Kabul -- Bügen Kabulnıñ ike urınında maşinağa quyılğan bomba şartlağan. Germaniä saqlanu ministrı Peter Ştruk süzlärençä, NATO köçläre saflarındağı ber alman xärbie häläk bulğan, ikese yaralanğan. İkençe şartlaw waqıtında Radiobıznıñ Äfğan bülege xäbärçese Xämidä Osman da ciñelçä cäräxätlär alğan. "İminlek yözennän çığıp bez ber Jeep'qa utırğan idek. Bezneñ yanda ğına intiharçı maşinasın şartlattı" dide Xämidä Osman. Politsiä süzlärençä, NATO xärbiläre şartlaw urırına zur tizlek belän kilüçe tağın ber maşinağa ut açqan. Andağı 2 keşe häläk bulğan, berse qaçıp kitkän. Alarnıñ da intiharçı bulğannarı, älegä bilgesez.
