Brussel -- Yevropa Berlege, Quşma Ştatlar häm Berläşkän Millätlär oyışması Üzbäkstan mäxkämäseneñ Ändican xällärenä qarata çığarğan qararına kisken tänqit belderde. Düşämbedä Üzbäkstannıñ Yuğarı mäxkämäse 15 keşene fetnä oyıştıru niätendä ğäyepläp 14tän alıp 20 yılğa qädär törmägä xökem itte. Yevropa Berlege Üzbäkstanğa qoral embargosı kertte häm Üzbäkstannıñ 12 yuğarı räsmienä 1 yılğa Yevropa Berlege illärenä kerüne tıydı. Berlekneñ wäkile Cristina Gallach radiobızğa "Ändicanda çamadan tış köç qullanğan öçen cawaplı keşelär Yevropa Berlegenä kertelmiäçäk", dide.
Quşma Ştatlar däwlät departamentı süzçese Adam Ereli mäxkämäne ğädelsez dip atadı. Berläşkän Millätlärneñ keşe xoquqları komissarı Lui Arbor, mäxkämägä şundıy uq täniqt belderep, xökem itelgännärgä şikäyät itü mömkinlege birergä çaqırdı. Brussel dä, Washington da, BMO da, ozaq waqıt Ändicandağı xällärgä bäysez tikşerü ütkärergä çaqırıp kilde. Üzbäkstan prezidentı İslam Kärimov bu taläpne kire qaqtı.
Quşma Ştatlar däwlät departamentı süzçese Adam Ereli mäxkämäne ğädelsez dip atadı. Berläşkän Millätlärneñ keşe xoquqları komissarı Lui Arbor, mäxkämägä şundıy uq täniqt belderep, xökem itelgännärgä şikäyät itü mömkinlege birergä çaqırdı. Brussel dä, Washington da, BMO da, ozaq waqıt Ändicandağı xällärgä bäysez tikşerü ütkärergä çaqırıp kilde. Üzbäkstan prezidentı İslam Kärimov bu taläpne kire qaqtı.