Äfğanstannıñ Qandahar şähärendä intihar höcüm näticäsendä 3 cirle keşe häläk bulğan, 4se yaralanğan. Şartlatqıç tutırılğan maşina Amerikan häm Äfğan xärbiläreneñ qärwanına kilep bärelgän. Moña şahit bulğan keşe bezneñ xäbärçegä bolarnı söyläde: "ber yaqtan xärbi qärwan bara ide, alarğa qarşı ber maşina kilep çıqtı. Närsä bulğanın añlamıy da qaldım, bu maşina qärwanğa kilep bärelde, anda çit il xärbiläre bara ide." İke kön elek intihar höcümnär näticäsendä NATO köçläre saflarındağı ber alman xärbie häm 7 Äfğanlı häläk bulğan ide. Paktia töbägendä politsiä maşinası minada şartlaw näticäsendä 5 politsiä xezmätkäre häläk bulğan. Höcümne oyıştıruda şiklänelgän ike Taliban äzğası qulğa alınğan dielä.
