Yaña tözeläçäk oyışma qorıltay dipme, kongress dipme atalır — anısı kiläçäktä bulaçaq qorıltayda xäl iteläçäk. Yaña oyışma tözü bik küp bäxäsälär uyattı. Beräwlär tatar telle başqortlarnıñ ayırım cämägätçelek oyışması bulırğa tieş dip isäpli. Oyışma tatar telle başqortlarnıñ xoquqların berençe näwbättä telgä xoquğın yaqlargä yärdäm itär dip ömetlänä. İmeş, şundıy yul belän däwlät tele statusı yawlap bulaçaq. Qarşılar bu tönyäk- könbatış töbäktä yäşäwçe tatarlarnı başqortqa äyländerü, şunı räsmi tanu bulaçaq dip isäpli.“Moña qädär anda nigezdä tatarlar yäşi dip kildek, xäzer alay bulğaç xalıq sanın alu mäğlümatları da fälsifiqätsiä tügel, ä çınbarlıq bulıp çığa. Näticädä, anda yäşägän tatar telle başqorlarnı başqort ädäbi tel normalarına qaytaru zarurlığı tua”. Älege forumnı oyıştıruğa qarşılar änä şulay dip añlata.
