Pekin. Quşma Ştatlar prezidentı George Bush şimbä 3 könlek säfär belän Qıtay başqalasına kilde. Anda ul Qıtay prezidentı Hu Cintao, premyer-ministr Wen Ciabao belän oçraşıp, alar belän ikeyaqlı säwdä, Tönyaq Koreäneñ atom programması turında söyläşergä cıyına. Moñardan tış ul Qıtay citäkçeläre belän oçraşuında keşe xoquqları häm demokratiä mäs'äläsen dä kütärergä teli. Pekingä kiler aldınnan Bush Könyaq Koreäneñ Busan şähärendä Aziä wä Tın okean illäreneñ xezmättäşlek oçraşuında qatnaşqan ide, düşämbedä ul Mongoliägä yul totaçaq.
