5-6 dekaber könnärendä Qazanda respublika buyınça oyıştırılğan “Klass citäkçese-2005” dip atalğan bäyge finalı ütte. Bu bäyge Tatarstan respublikasınıñ mäğärif häm fän ministrlığı tarafınnan uzdırıldı.
Bäyge, respublikanıñ mäğärif xezmätkärläreneñ belemen kütärü institutınıñ uqıtü üzäge häm Qazan şähäreneñ Mäskäw rayonında urnaşqan 102 urta mäktäp yärdämendä oyıştırıldı.
Bäygeneñ finalına respublikanıñ törle rayon, häm . şähärlärennän barlığı 19 klass citäkçese çıqtı.
Bu uñaydan finalğa çıqqan 19 klass citäkçese Respublikanıñ Mäğärif häm fän ministrlığı quyğan taläplär buyınça törle yarışlarda üzläreneñ ostalıqların, belemnären kürsättelär. Şul 19 klass citäkçese arasında respublikanıñ 5 töbägennän , yäğni Bögelmä, Çistay, Sarman , Çüpräle rayonnarınnan häm Nijnekamskiy şähärennän üzläreneñ eşlären tatar telendä kürsätüçe klass citäkçeläre dä buldı.
Alar Qazan mäktäpläre nigezendä, mäsälän “Klass citäkçeseneñ ber köne”
“Klasstan tış alıp barıla torğan tärbiäwi çaralar”da yäğni, “Ata-analar belän eşne niçek yañaça alıp baru”” proektlarında köç sınaştılar. Bu uñaydan açıq mikrofon säxifäsendä ğadi uquçılarğa , ata-analarğa, törle yuğarı uqu yortlarında uquçı şäkertlärgä “Klass citäkçese nindi sıyfatlarğa iä bulırğa tieş? -digän soraw belän möräcäğät ittek. Balalarğa nindi klass citäkçese kiräk ikän digän sorawğa cawapnı açıqlarğa tırıştıq
Cawaplar törle buldı , ämma küpçelek fikerlär şulardan ğibärät ide: “Klass citäkçese keşelekle, yağımlı, balalarnı yaratuçan, yärdämçel, bik küp belemle , cırlıy- bii belä torğan, häm ata-analar belän tığız elemtäne oyıştıra belä torğan uqıtuçı bulırğa tieş ”.
Mälikä Basıyr Qazan