7 dekaberdä respublika parlamentında Tatarstan Däwlät Şurası häm İnguşetiä Respublikası Xalıq Cıyını arasında xezmättäşlek turında kileşügä qul quyıldı. Bu Rusiä subyektları parlamentları belän tözelgän kileşülärneñ yegerme cidençese. Älege dokument parlamentara elemtälärne häm xezmättäşlekne üsterügä, qanun çığaru ölkäsendä täcribä urtaqlaşuğa, alğa taba duslıq mönäsäbätlären nığıtuğa yünältelgän.
Tatarstan Däwlät Şurası räise Färit Möxämmätşin süzlärenä qarağanda, kileşüneñ maqsatı - parlamentlar arasında gorizontal' elemtälär tözü. "Anıñ ähämiäten bäyäläp betererlek tügel. Bu säyäsi häm ictimaği waqiğa. Alğa taba eşlänä torğan qanun proyektları belän almaşu, Tatarstan häm İnguşetiä parlamentları eşçänlegen tiränräk öyränü maqsatınnan, eşçe törkemnäre oyıştıru kötelä”. İnguşetiä Respublikası Xalıq cıyını räise Mäxmüt Sakalov äytüençä, Tatarstannıñ däwlät tözeleşe ölkäsendäge bay täcribäne üzlärendä faydalana ikän. "Bezgä Tatarstan Däwlät Şurasınnan öyränerlek äyberlär küp. Mäxmüt Sakalovnı Tatarstannıñ millätara mönäsäbätlärne köyläw täcribäse qızıqsındıra”.
Gölnaz Şäyxetdin