Австралиянең көньягында урман янгыннарында һәлак булганнарның саны 180нән артты. Виктория штаты хакимиятләре үлгәннәрнең саны тагын да күбрәк булырга мөмкин, дип фаразлый.
Мельбурн янында берничә кечкенә шәһәр тулысынча янып беткән. Урман янгыннары Австралиядә елның бу чорында гадәти хәл. Әмма быелгы янгыннарны хакимиятләр Австралия тарихында соңгы 100 елда булган иң зур фаҗига дип бәяләде. Полиция махсус ут төртү очраклары булган, дип фаразлый.
