Accessibility links

якшәмбе, 4 декабрь 2016, Казан вакыты 05:03

Йортлары янган Урман авылы халкы өчен 1 августка яңа торак төзеләчәк


Корал саклагычында шартлаулар һәм янгын сәбәпле тирә яктагы йортларга да ут капты

Корал саклагычында шартлаулар һәм янгын сәбәпле тирә яктагы йортларга да ут капты

Башкортстанның Иглин районы Урман авылында корал саклагычында узган атнадан бирле дәвам иткән шартлаулар һәм янгын сәбәпле өйләреннән күчерелгән кешеләр кире кайта башлады.

Авылның корал саклагычы янындагы бер урамында яшәүчеләр генә әле үз өйләренә кайта алмый, дип хәбәр ителә. Күршедәге Яңа Иглин авылында йортлары янган авыл халкы өчен яңа торак төзелә башлады.

Бүген Урман авылында инде электр уты бар, якын көннәрдә газ да тоташтырылачак. Башта авылның балалар бакчасы һәм мәктәп бинасы төзекләндерәчәк.

116 кешенең йорты тулысынча янып беткән. Алар өчен ике ай эчендә өч ике катлы һәм 12 аерым йорт төзеләчәк. Яңа йортларга күчү инде 1 августта ук мөмкин булыр, ди хакимиятләр. Бу эшкә Башкорстанның дүрт иң зур төзелеш ширкәте җәлеп ителгән.

Урман авылында эшләгән төрле кәсепләргә дә зыян килүе сәбәпле 500ләп кеше эшсез калды.

XS
SM
MD
LG