Accessibility links

чәршәмбе, 7 декабрь 2016, Казан вакыты 23:23

Казанда "Мин татарча сөйләшәм!”гә йомгак ясалды


"Тяжело с татарским" антипремиясе Казан Кремле музей-тыюлыгы, Муса Җәлил исемендәге Татар дәүләт опера һәм балет академия театры, Татарстан Республикасы Дәүләт симфоник оркестры, Татар дәүләт “Әкият” курчак театрына бирелде.

26 апрельдә Казанның Бауман урамында тугызынчы тапкыр "Мин татарча сөйләшәм!” чарасы узды. Анда Татарстанның иң төп инди-лейблы булган Yummy Music бу ел тагын да күбрәк яңа артистлар һәм яңа стильләр тәкъдим итте. Чарада Ширин, Альбина, Беренче каналның “Голос” проекты катнашучысы, йодля техникасы белән Александр Градскиның үзен таң калдырган Язилә Мөхәммәтова, татар такваторының һәм панк-рогының аталары Альберт Исмаилның төркеме “Ачы-Таң”, Илгиз Шәйхразиев, Казанның тәҗрибәле рэперы, культуралы флоу мастеры, татар хип-хоп сәхнәсенең яшь йөрәге K-RU, элекке Питер пост-панкы, хәзерге Казан даркпопы әгъзасы – Рәдиф Кашапов (Vodda), иң иронияле проект – урам нео-романтиклары Оскар и КСВ, җырчы, автор-башкаручы Арслана һәм башкалар.

Быелгы чара берничә өлештән торды: республика мәктәпләрендә бәйге уздыру, "Татар-дозор" квест-уены, велойөреш, “Тяжело с татарским” антипремиясен тапшыру һәм Бауман урамында гала-концерт.

"Татар дозор" квесты 21 апрель көнне узды. Җиде кешедән торган алты такым алдан билгеләнгән маршрут буенча йөреп, сәүдә нокталарында һәм кафеларда татар теленең кулланылышын тикшерде. Нәтиҗәдә, Түбән Каманың 13нче интернат-гимназия укучулары “Илһам килде” төркеме беренче урынны яулады. Квестның төп максаты – республиканың икетеллелек канунын куллануны контрольдә тоту.

Чара дәвамында кибетләр, сату нокталары һәм сервис тармакларында татар телен инкярь иткән оешма исемлеклекләре төзелә. Быел “Мин татарча сөйләшәм!” рәхмәт хатлары “Метроэлектротранс” һәм “Майский” совхозына бирелде. "Тяжело с татарским" антипремиясе Казан Кремле музей-тыюлыгы, Муса Җәлил исемендәге Татар дәүләт опера һәм балет академия театры, Татарстан Республикасы Дәүләт симфоник оркестры, Татар дәүләт “Әкият” курчак театрына бирелде. Иң кызыгы, югарыда аталып киткән оешмалар мәдәният өлкәсенә карый, ә Казан быел төрки дөньяның мәдәни башкаласы дип игълан ителде.

Быелгы чарада катнашыр өчен Уфа, Мари Иле һәм Мәскәү яшьләре башкалабызга җыелды. "Мин татарча сөйләшәм!"нең төп оештыручылары – Бөтендөнья татар яшьләре форумы һәм Татарстанның фән һәм мәгариф министрлыгы.

фикерләрне күрсәт

XS
SM
MD
LG