Rusiä tışqı eşlär ministrlığı Rusiä räsmiläre belän söyläşülär öçen Mart başlarında Mäskäwgä Xämas fälestin törkemeneñ yuğarı däräcä wäkilläre kiläçäk dip belderde.
Ministrlıq belderüendä, Xämasnıñ kilüe turında ğömümi kileşügä ireşelde dielä.
Xämas fälestindä ütkän parlament saylawlarında ciñep çıqtı häm xäzer ul yaña xökümät oyıştırır dip kötelä.
İzrail' däwläten yuq itärgä teläwçe Xämasnı Waşington terrorçı törkem dip sanıy.
Rusiä Xämasnıñ pozitsiäsen yomşartırğa tırışır dip kötelä.
Elegräk Xämas Mäskäwgä bu ay axırında kiler dip kötelgän ide.
