Accessibility links

шимбә, 10 декабрь 2016, Казан вакыты 09:54

1 yünnän cäyläweklär eşli başlıy


Üsmerlärneñ kübese xäzer waqıtların yuqqa uzdırmıy – eşkä urnaşu yağın qarıy. Läkin alarğa tülänä torğan aqça ğına respublika häm federal' byudjettan da yıldan-yıl azraq bülenep birelä. Sişämbe könne baliğ bulmağannar belän eşläw komissiäseneñ respublika kiñäşmäsendä üsmerlärne eşkä urnaştıru häm uquçılarnıñ cäyge yalın oyıştıru turında şaqtıy bäxäslär quptı. Tatarstannıñ yäşlär eşläre, sport häm turizm ministrı Marat Barıyev munitsipal' rayonnarnıñ da, qayber ministrlıqlarnıñ da bu eşkä cawapsız qarawına şeltä belderde. Cäyge yal 1 yünnän başlansa da, äle qayber cäyräweklär balalarnı qabul itügä äzer tügel ikän. Berençe bulıp uquçılarnı mäktäp yanında eşläp kilüçe cäyläweklär qabul itäçäk. Bu xaqta TR mäğärif häm fän ministrlığınıñ balalar tärbiäse häm östämä belem birü bülege citäkçese Revo Wäliev

Barlığı mäktäp buyı lager'larında 79 meñ tiräse bala yal itäçäk. Mäktäp yanı lager'ları 1 yünnän eşli başlıy. Ä şähär yanı lager'ları 15 yünnän eşli.

Şähär çitendäge cäyläwleklärneñ kübese Sovet zamanında tözelgän. Kübese xätta eçär öçen su belän dä tä'min itelmägän. Kiñäşmädä Minzälä häm Yäşel Üzän munitsipal' rayonnarınıñ baliğ bulmağannar belän eşläw komissiäse räislärenä şeltä belderelde. Alar isä cäyräweklärne barı berniçä ayda ğına adäm rätenä kiterü mömkin tügel dip suqrandı. Şulay uq rayonnarıñ aqçası da citärlek tügellege äytelde. Qısqası Qazan taläp itä, ä rayonnarnıñ aqçası yuq. Cäyläwleklärdä balalar berniçä smenada yal itä. Ata-analar öçen bu qulay, çönki alar yullamanıñ iñ küp digändä 25 protsentın ğına tülärgä tieş. Revo Wäliev

Ata-analar lager'larğa 500 sum tiräse tüläyäçäk. Ä ğomumän yullama 4-5 meñ tora. Bu lager'nıñ zurlığına qarap törle bäyädä bula.

Bu cäyläwleklärneñ kübesenä berençe çiratta az keremle ğailälärdäge balalar yal itäçäk dip belderdelär kiñäşmädä. Ä bayıraq ata-anaları bulğan uquçılar Qara diñgez buyında yal itä alaçaq. Yullama bäyäse 10 meñnän artıq tora. Anda Tatarstannan yılda 7 meñ tiräse uquçı yal itä. İnde bıyılğa da yullamalarnıñ kübese satılıp betkän.

Ägär keçeräk yäştäge uquçılar cäyläwleklärdä yal itsä, yäşüsmerlär eşkä urnaşu yağın qarıy. Bu xaqta Revo Wäliev

Bıyıl barlığı 50 meñ tiräse üsmer eşkä urnaştırılaçaq. Mäktäptä häm anıñ cirlegendä kübese eşli. Alar aqça alıp eşlilär.

Yäşüsmerlär kübräk törle şirkätlärgä, kolxozlarğa eşkä urnaşa. Läkin byudjet häm awıl xucalığında alarğa tülärgä xezmät xaqı yuqlığına basım yasaldı şirkätlärdä. 1 maydan minimal' xezmät xaqı 1100 buldı. Häm bala şunnan da tübänräk xezmät xaqı almayaçaq.

Landış Xarrasova

XS
SM
MD
LG