Venetsuelanıñ Mäskäwdäge ilçese kiläse ay axırında Venetsuela prezidentı Hugo Chavez Mäskäwgä kilgäç Rusiäneñ Su-30 höcüm oçqıçların satıp alu turında kileşü imzalarğa mömkin dide.
Chavez Venetsuelanıñ AQŞta yasalğan F-16 oçqıçların almaştıru öçen bıyıl Rusiädän 24 Su-30 oçqıçı satıp alırğa cıyınuın beldergän ide.
Venetsuela terrorçılıqqa qarşı köräştä xezmättäşlek itmi dip AQŞnıñ F-16 oçqıçlarına almaş kisäklär satudan baş tartuı säbäple Venetsuela ul oçqıçlarğa bäyle qıyınlıqlar kiçerä.
