Accessibility links

чәршәмбе, 7 декабрь 2016, Казан вакыты 11:45

Tatarstan Däwlät Şurası utırışı ütte


6 iyüldä Tatarstanda Däwlät Şurasınıñ 25 utırışı ütte. Deputatlar 70тән artıq mäs'älä tikşerde. Anda Saylaw kodeksı proyektı, transport kompleksın üsterü programmasın raslaw häm başqa mäs'älär qaraldı. 2006 yıl respublika byudjetına östämä maddä kerteläçäk. Bu uñaydan da deputatlar tarafınnan sessiädä zakon proyektı qabul itelde. Härkem satıp alırlıq häm uñaylı toraq” ilküläm proyektı qısalarında tözelä torğan obyektlarğa injener kommunikatsiäläre ütkärü öçen kredit buyınça byudjet garantiälär bireläçäk. Bu maddä buyınça 2006 yıl byudjetı çığımnarı 6 million sumğa artaçaq. Garantiälärne isä respublika häm federal' üzäk üzara tigez büleşäçäk. Utırışnı waqıtınnan alda tämamlarğa turı kilgän. Çönki Däwlät Şurası räise Färit Möxämmätşinnıñ Altay yaqlarına kitärgä aşıqtı. Anda bügen Altay xalqınıñ irekle räweştä Rusiä Federatsiäse sostavına kerüneñ 250 yıllığın bilgeläp üttelär. Al'bina Zäynulla

XS
SM
MD
LG