Accessibility links

шимбә, 10 декабрь 2016, Казан вакыты 09:56

Qazan türäse rişwät aluda totılğan


Qazan Başqarma Komitetınıñ toraq säyäsäte İdäräse räise urınbasarı Nail Sabirov qulğa alındı. Nail äfände rişwät alğanda totılğan.

1 mln 600 meñ sum üz kesäse öçen häm tağın kileşü öçen 4 millionnan artıq - şuşı külämdäge aqçanı Nail Sabirov eşmäkär xanımnan Karl Marks uramındağı yortnı aña satıp alırğa yärdäm itü öçen sorağan. Nail äfände şartı ütälmägän oçraqta, Karl Markstağı 62/b yortı başqa keşegä satılaçaq dip beldergän.

Eş şunda, iske genä ike qatlı bu binanı eşmäkär xanım KUKİ, yağni kommunal milek idäräsennän arendağa alıp torğan bulğan. Ämma şähär administratsiäse yortnı tözekländereläçäk binalar isemlegenä kertkän. Ä bu yortnı aldan äytelgänçä, eşmäkär Qazan kommunal milek idäräsennän arendovat itkän bulğan. Xäzer isä şähär administratsiäseneñ qararı nigezendä Qazan kommunal milek idäräse beterelep bara. Häm Karl Marks uramındağı 62/b yortı Nail Sabirov citäklägän toraq säyäsäte İdäräseneñ qaramağında xäzer. Sabirov eşmäkärgä yortnı satıp alırğa yärdäm itärgä wäğdä itkän. Ämma barı tik aqçalata tüläw bulsa ğına. Ul barlığ 6mln sum aqça sorağan. 4 million yarımı kileşü öçen bulsa, million 600 meñe Sabirovqa şäxsän üzenä. Tik xoquq saqlawçılar anı rişwät alu gönahasınnan saqlap qala alğan. Eşmäkär xanım waqıtında prokuraturağa möräcäğät itep, iptäş Sabirovnıñ köçlek belän aqça alırğa tırışuın xäbär itkän. Näq şul könne Nail Sabirov xezmät itü bülmäsendä rişwät alğanda totılğan da. Tatarstan prokuraturası cinayät eşe quzğattı. Sabirovqa caza - saq astında toru.

Albina Zäynulla

XS
SM
MD
LG