Accessibility links

пәнҗешәмбе, 8 декабрь 2016, Казан вакыты 06:58

Tatar äkiätläre nigezendä öç multfilm eşlänäçäk


“Krok” xalıqara animatsion, yäğni mul'tfil'mnar festivale yıl sayın uza. Çiratlaşıp Ukraina häm Rusiädä. Sişämbe könne festival'dä qatnaşuçılar teploxodta Qazanğa kilde. Şulay uq festival'ne oyıştıruçılar belän matbuğat oçraşuı da uzdı. Anda tizdän ütäçäk “Altın Mönbär” Xalıqara möselman kinosı festivale turında da süz buldı. “Krok”nı oyıştıruçılarnıñ berse dä anıñ turında işetkäne bulmağan ikän. Ägär beräwläre monı kiräkle çara dip bilgeläp uzsa, ikençeläre sänğat'ne dinnärgä häm millätlärgä bülergä yaramıy dide. “Krok” festivale oyıştıruçıları elekke Sovetlar Berlege - Törkmän, Tacikstan illärennän qatnaşuçılar bulmawğa borçılu belderdelär. Anıñ qarawı İranda bu tarmaq üseş alğanın äyttelär. “Krok” festivaleneñ kinolar programması citäkçese Natal'ya Lukinıx

İran animatsiäse ğäcäpländerä. Anda alğa kiteş bik zur. Angliä, Britaniä illärennän küp täcribä alğannar. Xäzer törle qızıqlı eşlär täqdim itelä häm zaman taläplärenä turı kilä torğan texnologiälärdä eşlängän.

Natal'ya Lukinıx İran inde 5-6 yıl festival'gä bik yaxşı mul'tfil'mnar täqdim itüen äytte.

Ä rejisser Aleksandr Tatarski

Mul'tiplikatsiä sänğät kebek möselman, pravoslavqa bülenä almıy dip sanıym min. Yaxşı, naçar bulırğa mömkin. Bilgele milli temalar bula. Ämma anı berençel urınğa quyarğa kiräkmi.

Aleksandr Tatarski Rusiädä yäşäwçe xalıqlarnıñ äkiätläre nigezendä mul'tfil'mnar yasawların äytte. 27 milli fil'm arasınnan 3се tatar äkiätläre nigezendä eşlängän mul'tfil'mnar bulaçaq. Anıñ berse Sanduğaç, ikençese Töş yuraw dip atala. Öçençeseneñ iseme äle bilgele tügel. Aleksandr Tatarski

Här äkiät aldınnan ber şul millät turında beleşmä biräbez. Alarnıñ ğöref-ğadätlären söylibez. Mäsälän balalar berqayçan da Qazanda bulmasalar da Söyembikä manarası, Sabantuy turında beläçäklär. Tatarlar san buyınça Rusiädä ikençe urında bulğanlıqtan tatar äkiätläre kübräk bulaçaq.

Aleksandr Tatarski äytüençä, töp maqsat bulıp mul'tfil'mnar arqılı balalarğa Rusiädä törle millät wäkilläre yäşäwen añlatu häm alarnıñ mädäniäte belän tanıştıru.

Landış Xarrasova

XS
SM
MD
LG