Accessibility links

җомга, 9 декабрь 2016, Казан вакыты 20:29

İldar Nizamov – ğalim, ostaz, jurnalist


Ğalim häm yazuçı, Qazan däwlät universitetı professorı, filologiä fännäre doktorı,TR Ministrlar Kabinetı qarşındağı tellärne ğämälgä aşıru komitetı äğzası, TR atqazanğan mädäniät xezmätkäre, jurnalistlarnıñ X. Yamaşev häm Florid Äğzamov isemendäge respublika premiäläre lawreatı İldar Nizamovqa 70 yäş tuldı. Şulay uq anıñ “Tatar sotsiolingvistikası” digän kitabı da dönya kürde. Bu kitap jurnalistika fakul'tetında yuğarı belem aluçı studentlarğa zur büläk buldı.

İldar Nizamovnıñ tuğan yaqları Tatarstannıñ Ätnä rayonınıñ Çişmäle Sap awılı. Bügenge köndä jurnalistikanıñ ostazı bulğan İldar äfände Nizamovnıñ tormış yulı, anı bu ölkägä bik tigez yullardan ğına alıp kilmi. Ul xezmät yulın Qazannıñ Yılğa texnikumın tämamlağannan soñ, Başqortstandağı “Ağidel yılğası paroxodlığı”nda başlıy. Şunda eşlägändä “Qızıl tañ” gäzite belän xezmättäşlek itep, anı bu gäzitkä eşkä alalar. Anda eşlägän çorı turında, anıñ xatiräläre bik yaqtı.

Ä Tatarstanğa qaytqaç, İldar Nizamov Tatarstan kitap näşriätendä 9 yıl buyı xezmät quya.Ä 1987 yıldan birle ul Qazan Däwlät universitetında. Tatar teleneñ waqıtlı matbuğatta häm näfis ädäbiättä qullanılışına qarağan fänni xezmätlär avtorı.

Anıñ icatı:“Ömet”, “İdelem. “Mäxäbbät xaqı” isemle xikäyä häm povest' cıyıntıqları bar .

Ä bügenge köngä kilgändä, aña kiçä 70 yäş tuldı. Ölkän yäştä bulsa da, ul äle yögerep yöri, bik citdi möğallim, ğalim.

Tatar jurnalistikası bülegen oyıştırğan häm ayaqqa bastırğan Florid Äğzamov belän bergä qulğa- qul totınışıp eşlägän İldar Nizamov bıyıl bu bülektä nindi yañalıqlar kertelüe turında söyli:

“Bıyıl bez esse janrın uqıta başlıbız” dide ul . Häm ni qızğanıç, jurnalistikağa yegetlär bik az kilä. Bıyıl da qızlar küp kilgän, 19 qız arasında 1 yeget.

Bıyılğı uqu yılına 200 danä belän genä Mäğärif näşriätında anıñ “Tatar sotsiolingvistikası” kitabı bastırılıp çıqtı. Ul üz kitabında tel sisteması öç yassılıqta küzallanırğa tieş digän fiker sörä. Anıñ berse telneñ tözeleşe häm qullanu mömkinlekläre, ikençese söylämiät, öçençese – telneñ xalıq , millät tormışındağı ictimaği xaläte , yäğni sotsiolingvistikası. Häm İldar Nizamov äytüençä, ayırım alğanda , tatar sotsiolingvistikası maxsus öyränügä quyılmağan di ul.

Tatar jurnalistikasına bıyıl uqırğa kilgän yeget- qızlarnı İldar Nizamov niçek bäyäli soñ , tıñlıyq äle üzen.

“Mädäni comğa” gäzitendä bez “İ, tuğan tel” quşımtası çığarabız. Gäzittä yıl sayın anketa ütkäräbez. Anda ike soraw biräbez. Berse ni öçen sin tatarça uqırğa qarar qıldıñ ? İkençese: Tatar tele tizräk däwlät tele bulsın öçen sin närsä eşlärgä tieşseñ? digän soraw. Menä alarnıñ şul sorawlarğa yazğan cawaplarına bez bäyä biräbez.

Ber ük keşe - professor , ğalim, yazuçı, jurnalist, häm dä “Mädäni comğa” gäziteneñ “ İ tuğan tel” säxifäse möxärrire, 70яшьлек, yeget, İldar Nizamov bolarnıñ barısına da ölgerä.

Mälikä Basıyr

XS
SM
MD
LG