Accessibility links

сишәмбе, 6 декабрь 2016, Казан вакыты 08:53

Möhacirlek programması nigezendä tatarlar da çit ilgä kitä başladı


Kanadada yäşäwçe cirle xalıq qartaya. Şul säbäple, eşçelärne arttıru uñayınnan törle cirlärdän möhacirlärne cälep itü üseş ala. Tatarstannan kitkän Noğmanovlar ğailäse isä bu mäğlümatnı İnternettan kürgän. Alar Kanadada başta Kalğari şähärendä urnaşqannar, annarı Rawil äfändegä Edmantonda yaxşı eş täqdim itkännär. Möhacirlärne cälep itkändä, berençe çiratta nindi belemle buluğa, yäşkä, tormış iptäşeñneñ belemenä häm balalar buluına iğtibar itelä kiän. Rawil Noğmanov Matrikon İn Korropporetşion kompaniäsendä xezmät itä. Üzeneñ eşe turında “Azatlıq” radiosına Rawil Noğmanov

Ul kompaniädä 500-600 keşe eşli. Anıñ törle illärdä 18офисы bar.

Rawil Noğmanov äytüençä, alarnıñ kompaniäse sänäğät häm şul tarmaqta programmalar eşläw belän şöğellänä. Läkin möhacirlek programmasınıñ da üz neçkälekläre bar ikän. Bu xaqta Rawil Noğmanov

Äle iläk aşa uzğaç ta ansat qına eş tabıp bulmıy. Andağı standartlarğa turı kilergä tieş. Yuristlar, tabiplar, uqıtuçılar diplomnarı tanılsa da eş taba almıylar.

Rawil äfändeneñ tormış iptäşe Rezidä xanım isä beleme buyınça pedagog. Başta ingliz telen naçarraq belgän. Läkin anda telne Kanadağa kilgän här keşegä buşlay öyrätälär ikän. Rezidä Noğmanova

Min balalar baqçasına eşkä urnaştım. Anda balalarğa küp äyber röxsät itelä.

Rezidä xanım belderüençä, Edmantanda 1 million tiräse keşe yäşi. Yal itü turında Rezidä Noğmanova

Buş waqıtlar küp. Şimbä-yakşämbe – yal köne. Anda yal itärgä yaratalar. Här yakşämbe parklarğa çığalar. Anda barbekyu peşeräbez, tup tibäbez.

Şulay uq Noğmanovlar ğailäse baştaraq sağındırdı dip belderälär. Alar anda internet aşa “Tatar radiosın” tıñlıylar ikän, “Veçernyaya Qazan” gäciten uqılar. Noğmanovlar ğailäseneñ balaları ulları – Bulat häm qızları Ädilä.

Bulat Qazandağı 7нче tatar-törek litseenda belem alğan bulğan. Ul Kanadada uqu ciñelräk dip belderä. Bulat Noğmanov

Min 9 sıynıfnı beterdem. Mäktäplär ayırıla. Qazanda 9 sıynıfta uqığan äyberne Kanada da 7-8 sıynıfta uqılar. Böten awırlıq soñğı sıynıflarğa töşä.

Bulat Kanadada 9нчы sıynıfta belem alğanda, matematikanı 10нчы sıynıfnıqın uqığan.

Ämma iñ awırı keçkenä qızları Ädilägä bulğan. İngliz telen belmäw säbäple, mäktäpkä barğaç baştaraq berni añlamıyça qaytqan. Ädilä bıyıl 3нче sıynıfnı tämämlanğan. Läkin aña mäktäptä tiz arada ingliz telen öyrätkännär. Ğomumän Rezidä xanım äytüençä, anda balalarnıñ küñelen tiz tabalar. Şuñadır balalar Rusiädäge kebek yabıq tügel, ä borçusız di ul.

Xalıqnı sotsial' yaqlaw Kanada Xökümäte tarafınnan yuğarı däräcädä oyıştırılğanğamı, anda kübese şat küñelle, açıq yözle ikän. Kanadada küpçelek xalıq möhacirlär bulğanğa, din häm millätara büleneş yuqlığın äytä Noğmanovlar ğailäse.

Landış Xarrasova

XS
SM
MD
LG