Accessibility links

якшәмбе, 4 декабрь 2016, Казан вакыты 17:25

Çallıda İjaw qunaqları


Çärşämbe könne Çallığa Udmurtiädän ber törkem cämäğät eşlekleläre kilde. Alar arasında Udmurtiä tatarlarınıñ ictimaği üzäk citäkçese Fnün Mirzayanov, İjaw şähärendä çığa torğan "Yañarış" gazetasınıñ baş möxärrir urınbasarı Zäquan Nuretdinov, şuşı gazeta qarşında eşläp kilüçe ädäbi tügäräk citäkçese Rinat Battalov ta bar ide. Qunaqlar Çallı şähärendäge tatar matbuğatı redaksiälärendä buldılar, Çallı yazuçılar berlege räise Waxit İmamov belän oçraştılar. Şulay da, İjaw tatarları delegatsiäseneñ Çallığa kilüeneñ maqsatı nidän ğibärät soñ? "Azatlıq" xäbärçeseneñ älege sorawına "Yañarış" gazetası baş möxärrir urınbasarı Zäquan Nuretdinov cawap birde.

-Bezgä, çit töbäklärdä yäşäwçe tatarlarğa Tatarstanğa barıp, yörep, daimi aralaşıp yäşärgä- kiräk. Çallı tatar möxitle şähärlärneñ berse. Bez monda televidenie, radio, "Mäydan" jurnalı redaksiälärendä buldıq. Soñğısı belän 25нче oktäberdän Udmurtiädä 3 könlek ädäbi häm mädäni çaralar ütkärü xaqında söyläştek.

-İjauda bulaçaq şuşı oçraşular nindi mäğnägä iä bulaçaq soñ?

-Bu oçraşular bik kiräk. Barı tik şundıy yullar belän genä tatarlığıbıznı kürsätä, raslıy alabız"- Udmurtiä tatarlarınıñ "Yañarış" gazetası möxärrir urınbasarı Zäquan Nuretdinovnıñ fikerläre şundıy. Ul İjaw delegatsiä sostavında Çallı şähäre belän mädäni häm ädäbi bağlanışlarnı yañartu teläge belän kilgän ide.

Ğafiulla Ğaziz, Çallı

XS
SM
MD
LG