Accessibility links

якшәмбе, 11 декабрь 2016, Казан вакыты 03:20

“Telsez Küke” Londonda


Bu atnada tatar mädäniäteneñ teatr sänğäte Tatarstanda ğına tügel, xätta Angliä ilendä dä kiñ cämäğätçelek telendä. Bu könnärdä Qamal teatrı üzeneñ tatar telendäge spektakl'läre belän Böyekbritaniäneñ başqalası London şähärendä gastrol'lären başladı. Teatrnıñ direktorı Şamil Zakirov belderüençä, gastrol'lärne açu tantanasında Angliädä yäşäwçe häm eşläwçe bezneñ millättäşebez yazuçı , şağir , tärcemäçe, dramaturg jurnalist Rawil' Boxaraev ta çığış yasağan. Möselman mädäniyäte festivale qısalarında bu gastrol'lärne oyıştıruda zur öleş kertkän Rawil' Boxaraev, London tamaşaçısına möselman dönyasındağı berençe professional' teatrnıñ 100 yıllıq tarixı turında söyläp ütkän.

Ä Tatarstannıñ Premyer- ministr urınbasarı , mädäniät ministrı Zilä Wälieva, 1920 yıllarda äle Rusiäneñ däwlät duması deputatı Sadri Maqsudi citäkçelegendäge parlament delegatsiäseneñ Londonğa baruı turında häm anıñ azçılıq millätlärneñ problemaların qayğırtuı turında iskä töşerep ütä.

London tamaşaçısı häm şulay uq anda yäşägän tatarlar da kamallılar kürsätkän spektakl'lärne üzläreneñ iñ zur säxnälärendä bik cılı itep, häm alqışlar belän qarşılağannar.

Älege könnärdä London tamaşaçısı teatrnıñ baş rejisserı Färit Bikçäntäev tarafınnan Ğ. Kamalnıñ “Berençe teatr” komediäseneñ yañaça säxnäläşterelgän variantın qarıy ala .

Pänceşämbe könne Londonnıñ “Tims” gazetasında Qamal teatrı gastrol'läre turında “berençe teatr” mäqäläse basılğan. Rawil' Boxaraev bilgeläp ütkänçä, tanılğan häm citdi tänqitçe Djeremi Kingstonnıñ räsemle materialı Böyekbritaniäneñ töp gazetasınıñ berär quşımtası ğına tügel, ä yañalıqlar bülegendä dönya kürüe Britaniäneke bulmağan teatr öçen , unikal' häm tiñe bulmağan waqiğa”:-di ul.

TR Milli muzeyında “Luys” Ärmän mädäni cämğiäte belän berlektä oyıştırılğan ärmän xalqı wäkile rässamı Gevorğa Mşetsinıñ İske häm yaña Qazanğa bağışlanğan kürgäzmäse açıldı. Bu kürgäzmädä räsem sänğäte belän bergä taştan häm ağaçtan qayıp yasalğan ärmän millätennän bulğan başqa avtorlarnıñ sänğät äsärläre dä urın alğan.

Bu kürgäzmäne açqan waqıtta çığış yasawçılar xalıqlarnıñ duslığı turında häm nindi genä säyäsi waqiğalar bulmasın, häm nindi genä cämğiät tözeleşe bulmasın, Tatarstannıñ härçaq ğomumkeşelek qimmätlärenä tuğrı bulıp qaluı turında ğorurlıq belän söylädelär.

5 oktäber könne Tinçurin teatrı artistları - Näbirä Gıymatdinovanıñ äsäre buyınça quyılğan “Ber tamçı yaratu” spektakleneñ premyerasın Qazan tamaşaçısına “Säydäş mädäni üzägendä kürsätte. Danil Salixovnıñ p'yesası buyınça säxnäläşterelgän “Tanışu- qawışu” spektaklen tamaşaçı 7 oktäberdä qarıy alaçaq.

Mälikä Basıyr

XS
SM
MD
LG