Accessibility links

якшәмбе, 4 декабрь 2016, Казан вакыты 07:02

Şağir Mödärris Äğlämgä 60 yäş


TR nıñ “Ğ.Tuqay isemendäge Däwlät büläge lawreatı Mödäris Äğlämovqa 13 oktäberdä 60 yäş tuldı. Qazanda anıñ icatına bağışlanğan yubiley kiçäse aldağı könnärdä Qazan milli mädäni üzägendä ütkäreläçäk. Ä şuşı comğada Tatarstannıñ tatar telle matbuğatında anıñ icatı turında küp kenä materiallar çıqqan. Şulay uq, 14 oktäberdä, şağir Мөdәrris Әğläm belän "İdel-Press" näşriätendä icattaşları belän oçraşu uzaçaq.

Mödärris Äğlämov- ul üze Zäy yaqlarınnan, Pustaşit awılınnan, Biş su başı awılı dip tä yörtälär ul awılnı. Mödärris Äğlämov ul suğıştan soñ çorı balası. 4 yäşendä änisennän yätim qala. Suğış tämamlanğan yıllarda yätimlekneñ açısın tatıp üskän yäşüsmer bala Qazanğa kilep, universitetta belem alıp, zur şağir bulıp citlegä.Tatar xalqınıñ tarixi ütkänen häm bügenge yazmışın üzençälekle fälsäfi- şiğri surätläw aşa çağıldırğan anıñ küp sanlı şiğri cıyıntıqları uquçılar arasında kiñ tanıldı. Ul şulay uq üzeneñ şiğerlären yattan söyläwe belän dä ayırılıp tora. Yäşlär belän oçraşularda , ul yalqınlı orator. Mödärris Äğlämov şiğerläreneñ qısqalığı häm anda yatqan tirän fälsäfäle eçtälege belän dä uquçını şaqqattıra. Ämma anıñ ozın- ozın ike poeması da bar: berse “Aqmulla arbası”, ikençese -“Tuqaydan xatlar”. Anıñ icatı turında bik küp söylärgä bula. Şiğer yaratuçılar Mödärris .Äğlämovnı xäzerge zaman Tuqayı, Tufanı dip sanıylar .. Mödäris Äğlämov tatar şiğriätenä ğömeren bağışlağan häm anıñ simvolına äwerelgän şağir. Mödärris abıy sezne şiğriätkä närsä etärde digän sorawğa ul:

Xoday täğälä üze etärgänder . häm tabiğät. Ämma töp äyber, millät öçen cawaplılıq, xalıq öçen cawaplılıq digän äyber, ädäbiätkä alıp kilde. Çönki millätne saqlarğa digän rux belän bezne Xäsän Tufannar, Näqi İsänbätlär, Baqi Urmançelär tärbiäläde. Ber könne “Azatlıq” radiosınnan cır tapşıralar. “Saqlağız Qazannı!-dip. Leningradtan, Al'bert Asadullin cırlıy. Menä şundıy cırlar kiräk Bu gimn! Qazannı saqlaw - ul ruxnı saqlaw, Böten närsä ruxta tora.

Yartı ğasır ğömer aqtı qıyar qıymas,

Altmışqa da cittem menä tuyar tuymas,

Yäşäw belän şaqqatırıp bulmağannı,

Ülem belän şaqqatırıp inde bulmas.

Qızğanıçqa qarşı , soñğı waqıtta Mödärris Äğlämov awırıp tora, şunlıqtan törle mädäni çaralarda qatnaşu, inter'v'yular biru anıñ öçen şaqtıy awır. Şulay bulsa da Mödärris Äğlämov milli tormış , ictimaği mädäni waqiğalar belän qızıqsınıp tora. Ul “Azatlıq” radiosınıñ da daimi tıñlawçısı.

Ämma anıñ çordaşı, yaqın dustı, fikerdäşe häm serdäşe şağirä Näcibä Safina, Mödärris Äğlämovnıñ bu awır waqıtında, anıñ yanında.

Alar ber- berseneñ fikeren süzsez dä däwam itä alalar, ber-bersen küz qaraşınnan añlıy alalar . Nigezdä alarnıñ fikerläre urtaq, läkin alar törle süzlär belän äytelälär. Qayçağında alar ber –berse belän bäxäskä dä kerälär ,ämma bu xalıqqa närsäneder , niçekter töşenderergä, bäxäsle xälne üzlärençä çişärgä omtılsın öçen maxsus bäxäs dip añlaşıla. Şağirä, publitsist , yazuçı Näcibä Safina üze dä tatar xalqı yazmışı öçen bik nıq yanıp yäşäwçe şäxes. Şulay uq Mödärris Äğlämovnıñ icatın häm şulay anıñ şäxsi yaqların da kübräk belüçe, Näcibädän dä anı yaxşı belüçe, bälki yuqtır. Şunıñ öçen dä bez aña Mödärris Äğlämovnıñ ruxın çağıldıruçı, anıñ yäşäyeş yulın kürsätüçe şiğere - digän sorawğa Näcibä xanım bolay cawap birde. Audio

Yış qına şiğri bäyrämnärdä Mödärris Äğlämov ber şiğeır uqıy “Tatarstanım!” digän yäki “Kitä almıym” digän şiğeren. “Tatarstan, millät yazmışı, tuğan tel” şuşı turıda qayğırtu näk anıñ icatınıñ vizit kartoçkası inde.

Östäwenä, anıñ dürt yuldan ike yulın ayırıp alsañ , mäsälän, “Baş igängä munçaq kiderä ul, imägängä elmäk kiderä.”kebek yulların mäqal' itep, aforizm , totrıqlı ğıybarä itep yörtergä mömkin bulğan tirän fälsäfäle şiğri yullar anıñ härber şiğerendä ”, - diärlek.

Mödäris Äğläm- Tuqay, Taqtaş, Cälillärneñ şiğri awazın, ahäñen sulap, üz ğömerendä Xäsän Tufannıñ cılı mönäsäbäten toyıp yäşägän şağir. Ul icattaş dusları belän: Robert Äxmätcan , Rawil Fäyzullin , Röstäm Miñğalim, Zölfät; tatar şiğriäteneñ kiläçäge bulğan Rqail Zäydulla, Ğazinur Moratlar belän ğorurlanıp yäşi.

Tatar şiğriäten ХХI ğasırğa alıp kerüçe Mödärris Äğlämov, bu comğada 7 nçe distägä ayaq bastı. Anıñ icatı - tatar ädäbiätınıñ kiläçäk buınnarğa ruxi büläge.

Mälikä Basıyr

XS
SM
MD
LG