Accessibility links

җомга, 9 декабрь 2016, Казан вакыты 12:51

2007 Xäyriä yılına Tatar kalendarı


Äle küptän tügel genä 2007 yılnı Tatarstan prezidentınıñ Xäyriä yılı dip iğlan itkän färmanı çıqqan ide. Ul färmannıñ berençe cimeşläre menä bezneñ qulıbızğa da kilep kerde inde. Ul da bulsa - Tatar kalendarı. Häm çınnan da bu kalendar 2007 yıl - Xäyriä yılı dip atalğan.

Tatar kalendarınıñ tarixına küz salsaq, aña nigez saluçı, mäğrifätçe Qayum Nasıyri çorına uq barıp totaşa. 165 yıl buyına tatar tormışın yaqtırtıp kilgän, diwarlarğa elenep quyılıp, häm kön sayın yırtıp alına torğan kalendar''. Menä şuşındıy zur tarixı bulğan kalendar'', 2006 yılda çıqmağan ide. Häm menä bıyıl 2007 yıl öçen çığarılğanı 50 meñ tiraj belän dönya kürgän. Bu kalendar''nı tanılğan jurnalist Tatarstannıñ atqazanğan mädäniät xezmätkäre Minşäyex Zäbirov tözegän. Ul respublikada çığıp kilüçe küp kenä gäzitlärdä cawaplı wazıyfalarnı ütägän keşe. Häm menä 75 yäşe tulıp kilgändä Minşäyex Zäbirov tatar kalendarın tözergä alına. Xäzer 165 yıllıq tarixı bulğan tatar kalendarinıñ 2006 yılda ni säbäple çığa almawı turında häm 2007 yılğı kalendar''neñ berniçä üzençälekläre turında belderde kalendarnı tözüçe Minşäyex Zäbirov.

Ä menä 2007 yılğa Xäyriä yılına bağışlap bastırılğan qalendar''neñ tağın da, ber iñ üzençälekle waqiğasın küzätergä bula. Minşäyex Zäbirov respublika citäkçeläreneñ tügäräk dataları turında söyläde.

Qazanğa qunaqqa kilüçelärgä bik tä tanış bulğan Bauman uramındağı 19 yortta tağın ber kalendar'' çığıp kilä. Ul tatar möselman kalendarı dip atala. Xalıq arasında tatar möselman kalendarı- Fäniä kalendarı iseme belän kiñ tarala.Minşäyex Zäbirovnıñ tormış iptäşe Fäniä xanım belän bergä alar möselman kalendarı çığaruları turında söyläde.

Şulay itep, bıyıl tatar xalqı Yaña yılğa beryulı ike kalendar belän ayaq basa. Anıñ berse tatar möselman kalendarı bulsa, ikençese - Qayum Nasıyri kalendarı nigezendä tözelgän, 2007 yılğı Xäyriä yılına bağışlanğan Tatar kalendarı.

Mälikä Basıyr

XS
SM
MD
LG