Accessibility links

чәршәмбе, 7 декабрь 2016, Казан вакыты 15:41

Büdjet aqçasınıñ totılışı tikşerelde


Düşämbe könne Tatarstan Däwlät şurasında Kanadanıñ general' auditorı Ronal'd Tompson, Kanadanıñ Rossiädäge Parlament üzäge başlığı Valeri Ponamarev qatnaşında, byudjet, salımnar häm finanslar, şulay uq iqtisat, investitsiälär häm eşmäkärlek komitetlarınıñ urtaq utırışları uzdı. Bilgele bulğança, monnan ber yıl elek Mäskäwdä Rusiäneñ tikşerü-isäpläw orğannarı berlegeneñ 9 nçı konferensiäse qısalarında, subyektlarda byudjet aqçalarınıñ näticäle totılışına auditnı ğämälgä aşıru buyınça Rusiä – Kanada xezmättäşlege turındağı kileşügä qul quyılğan ide. Häm Tatarstan Xisap palatası da älege proyektta qatnaşuçı bulıp bilgelängän ide. Qazanda audit ütkärü öçen awıl häm yul xucalığı ministrlıqları bilgelände. Şunı äytergä kiräk, byudjet aqçalarınıñ näticäle totılışınıñ tikşerü eşläre barısı da Kanada belgeçläre belän berlektä alıp barıla. Oçraşuda qunaqlar auditor tikşerü näticäläre belän genä tanıştırıp qalmadı, ä här ike tarmaqnıñ da bu ölkädä näticäle eşläwlärenä yärdäm itärlek kiñäşlären dä birde. Gölnaz Şeyxetdin

XS
SM
MD
LG