Accessibility links

дүшәмбе, 5 декабрь 2016, Казан вакыты 19:34

Çallıda şämail kürgäzmäse açıldı


Bügenge waqıtta könçığış illärdä şämail yazu, anı icat itü alğa kitkän sänğät törläreneñ berse bulıp sanala. Tatarstanda da kalligrafiäneñ bu töre belän şöğellänüçelär bar, läkin mondıy rässamnarnıñ sanı küp tügel. Çallı şähärendä mäsälän, ike şamilçı bar- Zölfiä Möxämmätdinova häm Firdäwes Girfanov. Bu könnärdäge iñ zur sanalğan KamAZ kitapxanäsendä Zölfiä Xäfiz qızınıñ "Şämaillär dönyasında" digän kürgäzmäse bara. Şämail ğäräp telendä "saqlawçı" digän mäğnäne añlata. Rässamnıñ şuşı yünäleştäge berençe adımnarı xaqında "Azatlıq" radiosı monnan 10 yıl çaması elek mäglümätlär birgän ide. Osta qullı xanımnıñ bügenge icatı xaqında şämaillär belän qızıqsınuçı yäş jurnalist Gölnaz Wäliullina:

-İcat yulın Zölfiä Möxämmätdinova uram çatlarında portretlar yasaw belän başlıy. İñ qatlawlı janr şämaillär yasaw öçen äybät çınığu bulğan, di ul. Çönki portret icat itkändä kiräk bulğan millimetrlı tögällek, şämaillär yazğanda da bik möhim.

Original' janr belän 10 yıl elek şöğellänergä totına ul. Ämma osta kallegraf bulu öçen bu da bik az waqıt ikän, dip sanıy şämäilçe. Anıñ berençe äsärläre biş waqıt namazda uqıla torğan surätlärdän ğibärät. Zölfiä xanımnıñ xezmäte doğa-ayätlärne yazu häm yatlaw belän bergä bäylänep bara. Şunıñ yärdämendä namaz uqırğa öyränä ul. Östäwenä, rässam, şämail yasawnı- Allah aldında ğibädät qılu, dip sanıy. "Ägär täharät alıp, bismillamnı äytep, ayät, sürälär yazarğa utıram ikän, min köne buyı ğibädättä",-di ul.

Şämaillärne icat itkändä töslärne bik osta itep, ber-bersen tulılandırıp, açıp cibärä torğan itep saylıy Zölfiä xanım. Şulay uq, pıyala, gologramma kebek materiallar belän dä eş itä. Nurlı şämaillärendä könçığış stilendäge kalligrafiä ısulları belän tatar sänğäteneñ bizäkläre üzara ürelep bara. Bügenge köndä Zölfiä xanım illeläp şämail yazğan.

Zölfiä xanım Möxämmätdinova bügenge köndä Rossiäneñ häm Tatarstannıñ rässamnar berlege äğzası. Anıñ şäxsi kolleksiäläre AQŞta, Germaniädä, Törkiädä, Pakestanda urın alğan."

Şämaillär icat itü ostası Zölfiä Möxämmätdinova eşçänlege xaqında Qazan Däwlät Universitetı Çallı filialınıñ jurnalistqa bülege studentı Gölnaz Xaviz qızı bıyıl yaña kürgäzmäse belän Törkiägä barırğa cıyına. Tağın ber xıyalı- Çallıdağı barlıq mäçetlärneñ süräten käğäzgä töşerü.

Ğafiulla Ğaziz, Çallı

XS
SM
MD
LG