Accessibility links

дүшәмбе, 5 декабрь 2016, Казан вакыты 19:40

Qayum Nasıyri büläge iäläre muzeyğa cıyıldı


Bügen böten dönya İzge Valentin köne, yäğni ğaşiqlar bäyräme dip şaw betä. Böyek tatar ğalime, mäğrifätçe Qayum Nasıyrinıñ mäxäbbäte kem bulğan? Ul kemne özelep söygän soñ?

Anıñ xatını bala kitergändä wafat bula. Bik tizdän yäş bala da ülep kitä. Qayum Nasıyri yalğız qala. Tağın ber tapqır ğailä qorıp qarıy. Läkin cämäğäte belän torıp qala almıylar. Ul aña talaq qıla. Ul bola di: “Mäxäbbätebez dä bar ide, eşläremä xilaflıq qıla başladı”,- di. Ul bolay di: “Ägär ir-at zur eşlär eşlärgä teläsä, xatın-qız belän başın bäylämäsen”.

Bu xaqta miña Nasıyri muzeynıñ mödire Ruşaniä Xösnetdinova söyläde. 14 fevral' äle ul ğaşiqlar köne genä tügel, böyek tatar ğalimeneñ tuğan köne dä. Muzeyda uzğan “Milli mäğärifneñ çişmä başı” dip atalğan çara da Nasıyrinıñ mirasın öyränü häm tanıtu mäs’älälärenä bağışlandı. Bu çara muzey açılğannan birle 5 tapqır ütä inde. Monsında Nasıyri bülägenä iälär, mäğärif ministrlığı wäkilläre, uqıtuçılar qatnaştı. Uzğan yılğı çara waqıtında isä, Tatarstan mäktäplärendä häm yuğarı uqu yortlarında ğalimneñ mirasın taratu eşçänlege turında rezolyutsiä dä qabul itelgän bulğan. Mäktäp uquçıların, studentlarnı ğalim tormışı häm eşçänlege qızıqsındıramı soñ? Bu xaqta muzey mödire ni di?

Mäktäp, VUZ programmalarına kergän tema bu. Läkin däres uzdıruçı mäktäplär bik siräk. Bu muzey probleması ğına tügel. Milli mirasnı saqlıy torğan muzeylarğa xalıq az yöri ikän, ul mädäniätkä ixtiac azayğan digän suz. Bu muzey probleması ğına tügel.

Ä menä Baltaç rayonınıñ Qaraduğan awılında isä Qayum Nasıyri turında baqçağa yörüçe bala da şartlatıp söyläp birä. Baqça mödire Zölfirä Kamalova äytüençä alarda böten tärbiä Nasıyri icatına nigezlängän.

Bügenge köndä bezneñ tärbiäçelärebez belän üzebez icat itkän 25 tän artıq kitaplarıbız, metodik qullanmalar, programmalarıbız bar.

1998 yılda bu baqça Nasıyri bülägenä iä bula. 95 yıldan alıp bügenge köngä qädär isä barlığı 48 Qayum Nasıyri premiäse birelgän. Mäğärif häm fän ministrlığınıñ bu bülägenä çit töbäklärdän Bäläbäy gimnaziäse dä iä. Ministrlıqta milli mäğärifne üsterüneñ baş belgeçe Gölfiä Gäynetdinova äytüençä ozaqlamıy 2006 yılnıqı da bilgele bulaçaq.

200ı yıl Qayum Nasıyri premiäsenä 13 eş täqdim itelde. 2005 yıldan üzgäreşlär kertüneñ tağın ber yaxşı yağı- xäzer inde pedagogik kollektivlarğa ul 60 minimal' xezmät xaqı külämendä ul.

Qayum Nasıyri muzeyında ütkän çara waqıtında moña qädär bulğan lawreatlarğa 2005 yıldan birelä başlağan medal'lär, Tel, ädäbiät häm sänğät institutı ğalime Mäsgüt Gäynetdinov tırışlığı belän dönya kürüçe 4 tomlıq saylanma äsärlärneñ soñğı kitabı da büläk itelde. Qayum Nasıyrinıñ ädäbi äsärläre tuplanğan bu cıyıntıq tuğan köne uñayınnan äle yaña ğına basılıp çıqtı.

Nail Alan

XS
SM
MD
LG