Accessibility links

якшәмбе, 4 декабрь 2016, Казан вакыты 09:15

Çallılar- Angolada


Şuşı könnärdä Çallıda yäşägän 5 tabib Angolağa komandirovkağa kittelär. Alar anda 2 yıl eşlärgä cıyınalar. Kitüçelär kemnär, nindi maqsat belän Afrika ilenä baralar, şähärneñ sälämätlek saqlaw idaräsennän bu xaqta mäğlümatlar alu mömkin bulmadı.-Bez berni dä belmibez, digän cawap alındı. Bolay dip cawap birüneñ säbäbe ğadi şikelle, çönki soñğı yıllarda Çallınıñ üzenä dä osta qullı tabiplar citep betmi, ä monda yıraqtağı Angolağa eşkä dip kitä başlağannar. Afrikağa eşkä barunı Mäskäwdäge "Zdraveksport" isemen yörtkän däwlät unitar şirkäte oyıştırğan. Älege şirkät böten Rusiä buyınça 350 meditsina xezmätkären tuplap, Angolağa eşkä cibärä. Älegä isem-familiäsen äytmäwne ütengän Çallı tabibı farazınça, 19 fevral'da alar Odessa şähärennän Afrika kontinentına yul alaçaqlar. Tarix buyınça şul bilgele, Angola 4 ğasır däwamında Portugaliä koloniäse bula. Barı 1975 yılda ğına Angola azatlıq ala häm bu azatlıq köräşe Watandaşlar suğışına äylänä. Cirle qabilälärneñ üzara suğışları 2004 yılda solıx tözü belän tögällänä. Xäyerçe illär rätendä sanalğan Angolanıñ kiläçäge neft' häm almaz belän bäyle, dilär. Çönki, şuşı tabiği baylıqlarnı üzläşterü buyınça Angola Afrikada aldınğılar rätenä çıqqan. Almaz sänğätenä qayber Rusiä kompaniäläre dä uñışlı ğına kerep kitkän. KamAZ şirkäte dä alardan qalışırğa telämi. Küptän tügel genä Angoladan KamAZnıñ yaña bazarlarnı üzläşterü bülege başlığı Cabrail Carullaev qaytqan ide. Ber kiñäşmä barışında ul bolay dide:

-Moñarçı Afrikanıñ şuşı ilennän bez sanawlı ğına zakaz ala idek. 2006нчы yılda Angola eşmäkärläre belän maşinalarnıñ zur partiäsen satu turında kileştek. 2007нче yılda Angolada üzebezneñ avtoüzäkne tözü turında uylıybız häm monı başqaru öçen üzebezneñ 2 belgeçne äzerlibez."

Şulay itep, maşina tözüçelär, tabiplar Çallı belän Angola arasın yaqınaytaçaqlar. Mäskäwdäge "Zdraveksport" mäglümätläre buyınça, Angolada waba awıruı kiñ taralğan. Şuşı awıruğa qarşı AQŞ, İspaniä, Qıtay häm başqa qayber illär Angolağa üz yärdämnären täqdim itkännär. Menä alarğa Rusiä dä quşıldı. Rusiä tabipları, moñarçı biredä eşlägän Koreya meditsina xezmätkärlären alıştıraçaq, dip farazlana.

Çallı, Ğafiulla Ğaziz

XS
SM
MD
LG