Accessibility links

сишәмбе, 6 декабрь 2016, Казан вакыты 19:01

23 mart - meteorologlar köne


Belgeçlär tabiğät'täge bälä-qazalarınıñ 90%tı hawa torışı belän bäyle, di. Hawa torışın farazlawçılarnıñ maqsatı - älege faciğälärne mömkin qädär kimetü. Berençe meteorologiä oyışması monnan 57 yıl elek barlıqqa kilgän. Şul waqıttan başlap böten dönyada 23 martnı hawa torışın farazlawçılar köne bularaq bilgeläp ütälär. Meteorologlarnıñ eşe niqädär ähämiätle buluı turında söyläp torası yuq.

Tatarstan öçen tabiğät qazaları siräk küreneş bulsa da, meteorologlarnıñ ähämiäte kimemi. Respublikada 18 meteostansiä eşläp kilä. Anda 300gä yaqın keşe xezmät kürsätä. Meteorologiä häm äylänä tirä moxitne küzätü idäräsendä hawa torışın farazlawçılar, hawa, sunıñ çistalığın tikşerüçe belgeçlär eşli. Şularnıñ berse Rauza Şafikova. Ul Rusiäneñ atqazanğan meteorologı, bu tarmaqta 40 yıldan artıq inde:

Hawa torışı belgeçläreneñ eşe bik qatlawlı inde. Barı tik üz eşen bik yaratqan keşe genä eşli ala anda. Ekspeditsiälärgä yöribez, şaqtıy awır şartlarda yäşärgä turı kilä anda. Ämma bu qızıqlı eş dip uylıym. Qızıqlı häm faydalı.

Rauza Şafikova äytüençä, Tatarstan gidrometeorologiäse äle soñğı biş yılda ğına dönya standartları buyınça eşli başladı. Bu, älbättä, zamança texnologiälärne qullanuğa belän bäyle. Häm yañalıqnıñ näticäläre dä kürenä:

Bez farazlağan hawa torışınıñ tögällege 95-98%. Komp'yuter, başqa zamança texnologiälärne qullanu belän bäyle bu. Rusiädä şuşı kürsätkeçlär buyınça Tatarstan iñ alda bara.

Tatarstan belgeçläre respublikadağı hawa torışın 3 köngä farazlıy. Ä Rusiä gidrometeorologiä oyışması bıyılğı cäyneñ ğädättägeçä cılı, ä yaz salqınça bulır digän mäğlümatlar birä.

Al'bina Zäynulla

XS
SM
MD
LG