Accessibility links

җомга, 9 декабрь 2016, Казан вакыты 01:00

Udmurtiädä milli-mädäni avtonomiä üz eşen başqa ölkä tatarları belän çağıştıra


Mart azağında Qazanda Rossiä Tatar federal' milli-mädäni avtonomiäseneñ 3 konferensiäsendä Udmurtiädän dä delegatlar qatnaştı.

Rossiä külämendä milli avtonomiälär turında qanun qabul itelgäç, tatarlar kümäk yäşägän töbäklärdäge kebek Udmurtiä cirendä dä bu xaqta uylana başladılar. Baştaraq älege qanunğa niçekter qırıq qaraş bulsa, soñraq Udmurtiäneñ ike töbägendä - Mojga şähärendä häm Balezino rayonında cirle milli-mädäni moxtäriätlär barlıqqa kilde. Öç yıl elek moxtäriät respublika külämendä dä oyıştı. Milli-mädäni avtonomiä buş cirlektä barlıqqa kilmäde. Töbäklärdä eşläp kilüçe tatar ictimaği üzäkläre, mädäni oyışmaları avtonomiälärneñ nigezen täşkil ittelär. Udmurtiädä dä milli-mädäni avtonomiä respublikada eşläp kilüçe barlıq tatar oyışmaların yärdämendä, alarnıñ citäkçeläreneñ qatnaşında tözelde. Nigezdä anı respublikada eşläp kilüçe milli oyışmalar — tatar ictimaği üzäge, aqsaqallar şurası, «Yaqtaşlar» oyışması, «İman» tatar yäşläre berlege täşkil itte. Bu yıllarda möxtäriät tarafınnan küp kenä çaralar da oyıştırıldı. Süzne moxtäriätneñ idärä räise İrek Şäripovqa biräm.

Milli-mädäni moxtäriätneñ idärä räise İrek Şäripov süzlärençä, başqa regionnardağı kebek Udmurtiä tatarları älegä milli çaralarnı uzdıru öçen byudjettan tieşle külämdä finanslawnı tä'min itä almadı, tatarlarnıñ bergä cıyılıp eşlären xäl itü öçen, konsertlar, kiçälär uzdıru öçen dä matur zalları, ayırım yortları da yuq älegä. Ämma tizdän ütkäreläçäk yäş talantlar festivalenä tulısınça diärlek respublika xakimiäte yärdäm itäçäk, şulay uq bıyılğı respublika küläm Sabantuyın uzdıruda da İjaw şähäre xakimiäte citäkçeläre yärdäm kürsätäçäk.

Şulay itep, Qazanda Rossiä Tatar federal' milli-mädäni avtonomiäseneñ konferensiäse Udmurtiä milli-mädäni avtonomiä citäkçelärendä milli xäräkät eşen yañaça - däwlät belän bergä tığız elemtädä xezmättäşlek itärgä digän qaraş belän qaytqan.

Xämidä Ğayfullina, Udmurtiä

XS
SM
MD
LG