Accessibility links

шимбә, 3 декабрь 2016, Казан вакыты 14:52

Ğ. İbrahimov konferensiäse ütte


“Ğ.İbrahimov häm 21 ğasır” dip isemlängän xalıqara fänni-ğamäli konferensiä Törkiä, Azerbaycan, Başqortstan, Udmurtiä, Çuwaşstan, Mariy-El' respublikalarınnan häm Mäskäw, Yalta, Semfiropol' şähärlärennän ğalimnär kilde. Başqortstannan kilgän ädipneñ yegermeläp tuğanı da çaranıñ qäderle qunaqları ide. Konferensiä 3 bülektä: Ğ.İbrahimov häm tatar ädäbiäte, Ğ.İbrahimov häm tatar tele, Ğ.İbrahimov häm tarix, tatar xalıq mädäniäte, digän yünäleşlär buyınça eşläde.

Kilgän qunaqlar konferensiä materiallarınnan äzerlängän kitaplar, yazuçı räseme töşerelgän kalendar' häm bukletlar belän büläklände. Plenar utırışnı Tel, ädäbiät häm sänğät institutı citäkçese Kim Miñnullin alıp bardı.

Älege bäyräm belän M.Ğor'ki isemendäge Bötendönya ädäbiyätlären öyränü institutınnan Elezaveta Baldanmaskarova, Başqortstan fänni üzägeneñ Tel häm tarix institutı citäkçese Firdäwes Xisämetdinovalar täbrikläde. Konferensiädä ğalimnär Ğ.İbrahimov icatınıñ häm tormış yulınıñ älegäçä açıqlanmağan yaqların, elegeräk birelgän tänqitne bügenge küzlektän çığıp analizlarğa omtıldı. Şul uñaydan filol. fän. professorı T.Ğaliullin soñğı yıllarda küp telgä alınğan Ğ. Tuqay Ğ.İbrahimov mönäsäbätlärenä dä açıqlıq kertte.

Ğ.İbrahimov tormış häm icat yulın yaqtırtqan, trilogiä avtorı filolologiä fännäre professorı Sufian Povarisov ta kilgän ide. Bar böyek şäxeslärgä bağışlanğan äsärlär bar, ä Ğ.İbrahimov tormış häm icat yulın yaqtırtqan äsärlär yuq ide. Yazuçılarğa täkdim itep qaradım, läkin berse dä alınmağaç, üzem yazarğa buldım, di. Ni öçen “ Kükneñ cidençe qatında”, “Päygambär tañı”, “Ocmaxqa ber adım” digän isemnär birüen Ğ. İbrahimovnı päygambär kebek zihenle, ğädel, uqımışlı buluı belän añlattı.

Ğ.İbrahimovnıñ tärcemäi xäle Ufada 1979 yılda yazılğan. Konferensiädä qatnaşqan ğalimnär yazuçınıñ tormış yulın tulıraq häm bügenge tormış küzlegennän çığıp yazılğan bulırğa tieş, di. Şulay uq yaña küptomlığın çığaru täqdimen dä kerettelär. Düşämbe kiçendä konferensiädä qatnaşuçılar G. Qamal isemendäge teatr binasında Ğ. İbrahimovqa bağışlanğan mädäni kiçädä qatnaştılar.

Elmira Gäzizova

XS
SM
MD
LG