Accessibility links

шимбә, 10 декабрь 2016, Казан вакыты 13:45

Qazanda manyak öçen 250 meñ biräçäklär


Xatın-qızlarnı köçläw oçraqları Tatarstanda ğına tügel, il külämendä bilgele cinayät. Şuşı könnärdä “Gazeta.ru” saytı Qamçatqa ölkäsendä däwlät oyışmasında eşläwçe türäneñ 16 yäşlek qıznı köçläwen, bu xaywani ğämäl buyınça cinayät eşe quzğatıluın xäbär itte. Kimsetelgän qıznıñ änise äytüençä, bu ölkäneñ xoquq saqçılarınıñ ayırım keşeläre bu eşne zurğa cibärmägez dip basım da yasağannar. Tatarstannıñ eçke eşlär ministrınıñ berençe urınbasarı Rinat Timercanov äytkänçä, köçläw- iñ bilgele, yäşeren, çeterekle cinayätlärneñ berse ikän. Qazanda köçläw, höcüm itü, urlaw oçraqları buyınça ğayıple cinayätçene ezläw eşe bara. Köçläwçe-man'yaknı totqan, anıñ turında tulı mäğlümat birgän keşegä 250 meñ sum aqça qaralğan. Äle küptän tügel älege premiäneñ küläme 100 meñ bulsa, eşne tizläter öçen respublika eçke eşlär ministrı aqçanı arttırırğa bulğan. 250 meñlek manyaknıñ östendä 60 qa yaqın höcüm itü, köçläw-köçlärgä omtılu oçraqları terkälgän. Cinayätçe Qazannıñ Yaña Savin rayonında yış yöri bulıp çıqtı. Şul uq rayonnıñ xoquq saqçıları manyak tarafınnan 25 cinayät qılu oçrağı terkälüen äyttelär. Soñğı tapqır ul uzğan atnada, kiç-qırın başqalanıñ Ämirxan uramında çirattağı qorbanına taşlana. Bäxetkä yort işek töbendä keşelär yöri başlağaç yawız niäten qıla almıy qala, küzdän yuğala. - Yaqınça 30 yäştä. Yabıq gäwdäle, 180 sm. buylı, qara küzle, aqsıl tänle… Bu manyaknıñ tışqı bilgeläre. Bezgä bolarnı Yaña Savin rayonınıñ xoquq saqçısı äytte. Ul üzeneñ kem ikänen, kem bulıp eşläwen efirdan äytmäwne soradı. Soñğı arada populyarlaşıp kitkän köçläwçe-man'yaknıñ kem ikäne, nindi millättän buluı bilgele tügel. Tışqı bilgeläre, annan zıyan kürüçelär taswirlap birgän yaqınça suräte bilgele, ber-genä tügel 8-9 foto robot. Anıñ östendäge 60ка yaqın cinayät ber-bersenä oxşaş ikän, bu yawız ğamällärne qıluçı üze genä tügel, yärdämçeläre dä bulu mömkin di xoquq saqçıları. Yawız bändäne 7-8айдан artıq ezlilär, älegä haman qoyrığına basa almıylar ikän. Cinayätçeneñ qorbannarınıñ yäşenä kilgändä: – 19-20,21 yäşlege dä bar buğay! - di Qazannıñ Yaña Savin rayonı xoquq saqçısı. Tatarstannıñ eçke eşlär ministrınıñ yärdämçese Rinat Timercanov jurnalistlarğa cinayätçedän zıyan kürgännärne ezläw belän mawıqmawnı soradı. “Zıyan kürüçelär arqılı bez manyaknı totarğa tırışabız, alarnıñ başların sezdä qatırsağız bu berdä yaxşı küreneş bulmas”- dip tä östäp quydı ministr yärdämçese. Bügenge köndä yawız bändäne ezläw eşe bara.“Saqlanğannı saqlarmın!”- digän Xoday, şuña kürä alnı-artnı qarap yörergä, iğtibarlı bulırğa quşa respublikanıñ xoquq saqçıları. Röstäm İsxaqi

XS
SM
MD
LG