Accessibility links

җомга, 9 декабрь 2016, Казан вакыты 22:28

Qazanda Yewropa tözekländerü häm üseş bankı idäräçeläre utırışı uzdı


Yevropa tözekländerü häm üseş bankı çaralarınıñ berençe könendä häm ikençe könneñ yartısında, süz kübräk Rusiä häm Tatarstan iqtisadın üsterü turında bardı. Annan soñ inde banknıñ eçke mäs’älälärenä küçtelär. Berençe näticälär, 20 may könne, töşke aştan soñ yasaldı. Tatarstan prezidentı Mintimer Şäymiev:

Kiçä bez uñışlı kön uzdırdıq. Tatarstannıñ iqtisadın täqdim ittek. Minem näticä şul: respublika döres yunäleştä bara, ämma tizlekne häm xalıqnıñ belemen arttıru taläp itelä. Xalıq kreditlar belän qullanırğa öyränergä häm moña cawaplı qararğa tieş. Ul şul oçraqta üz eşen aça alaçaq. Bu isä xalıqta kiläçäkkä ışanıç uyataçaq. Demokratiägä, yaña grajdanlıq cämğiäten tözügä yul bulıp tora.

Tatarstan Prezidentı Mintimer Şäymiev söylägän mäs'älär küp kenä Yevropa illärendä inde xäl itelgän, şuña Yevropa bankı prezidentı häm bu mäclestä qatnaşuçılar kübräk tormışçanraq mä’sälälärgä tuqtaldılar. Yevropa tözekländerü häm üseş bankı prezidentı Jean Lemierre:

Bez urtaq qimmätlär turında söyläşü alıp bardıq. Ayırım alğanda, Rusiäneñ soñğı yıllardağı üzgäreşe, xalıqqa eş urınnarın buldıru, şulay uq Yıraq Könçığıştağı mäs'älär, energiäne saqlaw, iktisadnıñ köndäşlekkä sälätle buluı turında fiker alıştıq. Bezgä kübräk xalıq belän bäyle mäsällärgä iğtibar itärgä kiräk. Qıyınlıqlardan çığu öçen xalıqqa yunäleş, çığanaqlar birü zarur. Häm bezgä Yevropa bankına - närsägä basım yasarğa kiräklege äytelde.

Ber cirdä zur cıyılışlar däwam itkändä, xalıqnı borçığan mäs'älär “Korston”dağı “tügäräk östäl”lärdä dä alıp barıldı. Anda xatın-qızlar mäs’äläse, xalıqnıñ bügenge Rusiägä qaraşı, keşelärneñ xoquqın yaqlaw turında şaqtıy qızu fiker alışular buldı.

20 may könne töştän soñ “Piramida” üzägendä bank wäkilläreneñ iñ zur çarası - idäräçelär Şurasınıñ 16нчы yıllıq utırışı başlanıp kitte. Anda artıq keşelär kertelmäde. Xätta 250дән artıq jurnalistnıñ da 28ен genä terkädelär älege çarağa.

Berençe öleşe – açılu tantanasında Yevropa tözekländerü häm üseş bankı citäkçese Jean Lemierre, general' särqatibe Paavo Vayrynen, Tatarstan Prezidentı Mintimer Şäymiev Rusiä iqtisad üseşe häm säwdä ministrı German Gref çığış yasadılar.

Mintimer Şäymiev kübräk Tatarstandağı banklar eşçänlegenä, alarnıñ xalıqqa xezmät kürsätüenä tuqtaldı. BMO tikşerenüläre buyınça, Rusiädä Mäskäw belän Sankt-Peterburgtan soñ, Tatarstan xalqı bank xezmäten qullanu buyınça öçençe urında tora ikän. Şäymiev äytüençä, kreditnı kübräk keçe häm urta eşmäkärlekne üsterü öçen häm toraqlı bulu öçen alalar. M. Şäymiev:

İpotekağa kreditlar birü 2006нчы yılda ğına da 4 tapqırğa arttı.

Mintimer Şäymiev Tatarstan bankları dönya bankları belän xezmättäşlek itäçägenä basım yasadı.

Rusiä iqtisad üseşe häm säwdä ministrı German Gref Rusiädäge yaña proyektlar belän tanıştırdı.

Bank prezidentı Jean Lemierre ağımdağı yılda tabışlarnı qaysı proyektlarğa totarğa kiräklegen açıqlayaçaqların belderde. Soñı waqıtta Rusiä iqtisatınıñ totrıqlı üseşen assızıqladı. Jean Lemierre:

Rusiä dönya iqtisadı belän bäyläneşlärgä kerügä moxtac. Yevropa bankı tözeleşlärgä investitsiälär biräçäk. Şulay uq Bötendönya Säwdä Oyışmasına kerüe dä Rusiäne yuğarıraq kütärä. Bu global' iqtisadqa kerüneñ ber alımı. Bezneñ maqsat – urtaq xezmättäşlek aşa Rusiägä ğomumi küçeşkä - dönya iqtisadına kerergä yärdäm itü

Yevropa tözekländerü häm üseş bankı citäkçese Jean Lemierre isä bank üzeneñ tabışın arttıru öçen yaña programmalar buldıraçağın äytte. Bu mäs'älär ikençe utırışta qaraldı. Anda barı bank wäkilläre genä kertelde.

Landış Xarrasova

XS
SM
MD
LG