Accessibility links

чәршәмбе, 7 декабрь 2016, Казан вакыты 21:30

“Aq bars” uyınçıları çitkä kitä


Soñğı aralarda respublikanıñ matbuğat çaraları sport yañalıqların yaqtırtqanda “Aq bars” xokkey komandasınıñ yazmışın quyırtırğa tırışalar. Çönki danlıqlı xokkey komandasınıñ aldınğı zvenosı tarqala digän süzlär çığıp alğan ide. “Aq bars” citäkçelege xäbär itkänçä, komandanıñ yaxşı uyınçıları Morozov, Zaripov, Zinovyev çitkä kitmäskä bulğannar. “Aq bars”nıñ xäzer inde elekke qapqaççısı Aleksandr Yıremenqo berençelärdän bulıp Ufanıñ “Salawat Yulaev” xokkey törkeme belän kileşü tözegän dilär. Bu xaqta Yeremenkonıñ şuşı könnärdä “Sport Ekspress” gazetasına birgän äñgämäsendä dä kürergä bula. Annan soñ şul, uq yazmada “Aq bars”nıñ qalğan 4 uyınçısı qapqaçı artınnan kitüläre kürenä. Tatarstan “bars”larınıñ räsmi internet bitenä uquçılar yazğan uy-fikerlärdä komandanı taşlağannar turında älläni cılı süzlär yazılmağan. Şul uq qapqaçı Yıremenqo turında da:“Ul “Aq bars”ta aldınğı uyınçı bula almadı, şuña da “Salawat Yulaevqa” satılğan”- dielgän. Aña SKSK, “Dinamo” törkemnärennän dä täqdimnär bulğan. Läkin küp aqçanı Başqortstan birergä wäğdä birgän ikän. Ä küpme ala ikän soñ ul uyınçılar?! Alar xezmät xaqları turında belergä mömkinme?! - “Aq bars”nıñ berençe zveno uyınçıları qimmäträk ala dilär, ikençeläre azraq - di “İntertatru” elektron gazetasında sport xäbärlären yaqtırtıp baruçı Radik Sabirov. Ufağa kitkän 5 barslı arasındağı Vladimir Vorobyevqa da 34 yäş ikän inde. Anıñ kitüenädä citäkçelek ällä ni borçılmıy dip uylıy “Aq bars”tağı üzgäreşlärne küzätep baruçılar. Tatarstan xokkey komandasınıñ 3 yoldızlarınıñ berse Zaripov “Aq bars” belän ike, Zinovyev 5 yılğa yaña kileşü tözegän dip tä xäbär itä “Aq bars” citäkçelege. Alarğa çit ildän täqdimnär bulğan, läkin alar Qazanda qalırğa bulğannar. Başqortstanğa kilgändä, alar “Salawat Yulaev”nı çempion itär öçen barsında eşlärgä, milliardlarnı jällämäskä bulğannar. Bu ısulnı 2004 nçe 2005 yıllarda “Aq bars” qullanıp qarağan ide. Xäzer menä Başqortstan super komanda tözergä mataşa. “Aq bars” häm “Salawat Yulaev” älegä isemnär genä, oçkolarnı kiläçäk kürsäter. Röstäm İsxaqi

XS
SM
MD
LG