Accessibility links

дүшәмбе, 5 декабрь 2016, Казан вакыты 05:41

1000 yıllıqqa 1000 kön qalıp bara


Qazannıñ 1000 yıllıq yubileena 1000 kön qaldı. Bu atnada uzğan şähär Sovetınıñ 13-nçe sessiäsendä kiläse 3 yılğa mädäniät üseşe programması qabul itelde. Olı bäyrämgä sanawlı könnär qalıp bara, ä başqarası eşlär sanap betergesez. Türälär dä, deputatlar da çığışlarında haman ber taşqa, aqça yuqlıqqa, abındılar. Bıyıl rekonstruksiä öçen nibarı Opera häm balet teatrı ğına 25 million dollar alu bäxetenä ireşkän. Ä tözekländerüne barlığı 61 mädäniät binası kötä. Waqıt yubileynı äzerläw eşlärenä üzeneñ üzgäreşlären kertä. Mäskäwdä, mäsälän, premyer-ministr Mixail Kasyanov färmanı belän Qazannıñ 1000 yıllığın bäyräm itügä äzerlek komissiäsenä yaña keşelär kertelde. Alar känäfilären buşatqan türälärne alıştırğannar. Yaña isemnär arasında Rusiäneñ Üzäk bankı räise Sergey İgnatyev, eçke eşlär ministrı Boris Grızlov, tözeleş häm toraq-kommunal' komitetı räise Niqolay Koşman häm başqalar.

Säwdä häm tışqı iqtisadi xezmättäşlek ministrlığı qarşındağı eşquarlıqqa teläktäşlek itü departamentı Sänğat ekspert şurası belän berlektä 1000 yıllıq uñayınnan xalıq hönärçelege eşlänmäläreneñ bäygesen uzdıra. Anıñ maqsatı - Qazan yubileena istälekle büläklär äzerläw. Satuda äle iskitärlek suwenirlar kürenmäsä dä, yasawda andıy närsärlär bar dilär.

XS
SM
MD
LG