Accessibility links

чәршәмбе, 7 декабрь 2016, Казан вакыты 17:29

Möxämmät Sabirov: «Tik Kama Alanında tügel!»


Comğa könne Rusiädä tağın ber mäğnäle bäyräm – Qotqaruçılar köne. Ul äle 12 yäşlek bäyräm genä. Şulay da, ğädättän tış xällär mıclap torğan ildä qotqaruçılarğa här könne eş tuıp tora. Qısqa waqıt eçendä ğädättän tış xällär ministrlığı nıq ayaqqa bastı, qotqaruçılar televizor ekrannarında härdaim kürenep toralar. Küpsanlı ximiä eşkärtü, neft'' çığaru şirkätläre belän tulğan Tatarstan da mondıy küñelsez xällärdän garantiälänmägän. Respublika qotqaruçıları da eşsez utırmıy. 2002 yılda ğına da alar 3743 qotqaru operatsiäse uzdırıp, 771 keşeneñ gömeren saqlap qalğannar.

Qayçaq qotqaruçılarğa eş azraq bulsın disäñ, här ğämälne aldan uylap başqarırğa kiräk. Bu uñaydan comğa könne näşer itelgän «Восточный экспресс» gazetasındağı Tatarstannıñ elekkege premyer–ministrı Möxämmät Sabirov mäqäläse ğibrät alırlıq. Ul «Tik Kama alanında tügel!» dip atalğan. Süz zamanında cämäğätçelekneñ protestlarına qolaq salıp tözüdän tuqtatılğan atom stansiäsen yañadan torğızu turında bara. Eks-premyer andıy tözeleşne bik kiräk bulsa başqa urında tözergä mömkin, dip sanıy. Ä menä geologik yaqtan yaxşılap tikşerelmägän xäwefle töbäktä atom stansiäsen tözüne torğızu bik borçulı xäl.

Älbättä, Möxämmät Sabirov kebek xäbärdar keşeneñ süzlärenä ışanası kilä. Ä menä energiä qıtlığı, atom stansiäse yañaça tözeläçäk, ul zıyan–zarar kitermäyäçäk digän süzlär nişläpter ışandırmıy. Yaña premyer–ministrlar iske xatalarnı qabatlağançı xalıq fikerenä qolaq salsalar döresräk bulır ide.

XS
SM
MD
LG