20 ğinwarda Tatarstan prezidentınıñ tuğan köne. Mintimer Şäymievkä bıyıl 66 yäş tuldı. Matbuğatta, şul isäptän, “Звезда Поволжья” kebek bäysez, ütken teşle gäcittä, bu yäştä zur säyäsätçelär ölgerep kenä citä, Şäymievneñ äle çäçäk atqan waqıtı, dip yazalar. Soñğı yıllarda Şäymiev tuğan kön belän qotlawçılardan qotılır öçen, törle matur büläklär häm tatlı süzlär israf itelmäsen dip, 20 ğinwarda säfärgä çığıp kitä. Ä bıyıl ul, şimbä könen eş urınında ütkärgännän soñ, Şvetsariägä qısqa waqıtlı yalğa kitte. Xäzer tawlı illär, çañğı şua torğan urınnar säyäsätçelär arasında bigräk tä populyar. Şvetsariädä küptän tügel Güzäl Salixova citäkçelegendäge Tatarstan wäkilçelege dä açılğan ide.
