Çärşämbe, 22 ğinwar könne, ber törkem tatar zıyalıları Qazannan Mordoviägä yul aldı. Anda 22 ğinwardan 24 qädär Tatar mäğärife könnäre ütä. Älege çara Tatarstan respublikasınıñ Mäğärif ministrlığı tarafınnan ütkärelä. Şunısın da äytergä kiräk, ministrlıq Rusiäneñ tatarlar uqmaşıp yäşägän töbäklärendä mondıy çaralarnı äledän-äle ütkärep kilä. Xäzer çirat Mordoviä respublikasına citte. Kürşe respublika kitkän delegatsiä şaqtıy märtäbäle. Respublikanıñ mäğärif ministrı Fariz Xarisov citäklägän qunaqlar arasında deputat Tufan Miñnullin, pedagog Miñğol Ğäliev, şağirä Rezida Wälieva, mäğärif ministrlığı wäkilläre, jurnalistlar bar. Şuña kürä, kürşelärdä ütä torğan Tatar mäğärife könnäre bik qızıqlı häm näticäle bulırğa oşağan. Bu xaqta Tatarstan mäğärif ministrlığınıñ matbuğat üzäge citäkçese Zöhrä Wafina söyli:
Audio
22 ğinwar könne mäğärif ministrı Fariz Xarisov citäkçelegendäge delegatsiä Mordoviägä tatar mäğärife könnären ütkärergä kitte. Alar anda 24 ğinwarğa qädär bulaçaq häm törle oçraşular, tatar tele däresläre ütkäräçäk.
Şunısın da äytergä kiräk, Qazan qunaqları Mordoviädä xakimiät wäkilläre belän dä, ata-analar belän dä oçraşırğa cıyına. Ä üzläre belän alar kürşe respublikadağı millättäşlärebezgä tatar tele häm ädäbiätı däreslekläre, kitaplar, törle metodik äsbaplar alıp kitkännär. Şulay itep, Tatarstan çittäge millättäşlärebezgä yärdämen däwam itä.
Audio
22 ğinwar könne mäğärif ministrı Fariz Xarisov citäkçelegendäge delegatsiä Mordoviägä tatar mäğärife könnären ütkärergä kitte. Alar anda 24 ğinwarğa qädär bulaçaq häm törle oçraşular, tatar tele däresläre ütkäräçäk.
Şunısın da äytergä kiräk, Qazan qunaqları Mordoviädä xakimiät wäkilläre belän dä, ata-analar belän dä oçraşırğa cıyına. Ä üzläre belän alar kürşe respublikadağı millättäşlärebezgä tatar tele häm ädäbiätı däreslekläre, kitaplar, törle metodik äsbaplar alıp kitkännär. Şulay itep, Tatarstan çittäge millättäşlärebezgä yärdämen däwam itä.
