Accessibility links

чәршәмбе, 7 декабрь 2016, Казан вакыты 19:20

Bügen İzrail’däge ğömümi saylawlarda tawış birüçelärneñ bik passiv qatnaşuı turında xäbär itelä.


İzrail’ üzäk saylaw komissiäse wäkile Avi Duskin tawış birüneñ berençe 3 säğätendä saylawçılarnıñ 10 protsentı ğına qatnaştı dide. Moñarçı İzrail’dä saylawlarnıñ başında qantaşuçılarnıñ şul qädär az bulğanı yuq ide äle. Tawış birü bügen kiç tämamlana. Räsmi bulmağan berençel mäğlümätlär irtägä iğlan iteler dip kötelä. İzrail’ premyer-ministrı Ariel Şaron tawış birergä barğaç barlıq izrail’lelärne dä saylawlarda qatnaşırğa çaqırdı. Bügenge saylawlar İzrail’dä soñğı 4 yıldağı 3-nçe ğömümi saylawlar. İzrail’neñ töp oppozitsion partiäse bulğan Xezmät partiäse noyäbr ayında Şaronnıñ koalitsion xökümätennän çıqqannan soñ İzrail’dä saylawlar iğlan itelde.

Dini yähüdlärgä östenleklär birügä qarşı çığuçı, dönyawi qaraşlar tarafdarı bulğan Şinui partiäse parlamenttağı öçençe zur törkemgä iä bulır dip kötelä. Ul oçraqta bu partiä koalitsion xökümät tözüdä möhim rol’ uynarğa mömkin.

Bügen Gaza sızığında şartlaw näticäsendä3 fälestinle, Jeninda İzrail’ xärbiläre belän bäreleşlärdä 4 fälestinle hälak buldı.

XS
SM
MD
LG