Britaniä eçke eşlär ministrı David Blunkett Britaniä parlamentınıñ tübän palatasında çığış yasap Britaniädä terror ğämäle qurqınıçı bar dip belderde.

AUDİO: Bez çın häm citdi qurqınıç aldında torabız. Bez äl-Qaidäneñ Böyekbritaniädä keşelär üterergä, cimerergä tırışaçağın beläbez.

Öçençe kön Britaniädä iminlekkä qurqınıç turında kisätü iğlan itelgän ide. Ministr oppozitsiäneñ qurqınıçnı täfsilläw taläplären kire qaqtı. Ul Londonnıñ Heathrow hawa alanında häm başqa urınnardağı iminlek çaraları turında kommentariy birü urınlı tügel dide.

AQŞ başqalası Waşintonda Pentagonnı oçqıçlarğa qarşı raketalar saqlıy. Höcüm oçqıçları hawağa kütärelergä täwlek buyı äzer tora. New-York politsiäse maşinalarnı tikşerä, uramnarğa östämä politsiä köçläre çığarılğan.