Accessibility links

сишәмбе, 6 декабрь 2016, Казан вакыты 17:13

BMOnıñ qaçaqlar agentlığı citäkçese Ruud Lubbers suğış bulğan oçraqta Ğiraqtan 600 meñläp keşe kürşe illärgä qaçarğa mäcbür bula ala häm bu xalıqara cämäğätçelekkä 60 million dollarğa töşärgä mömkin dip belderde.


Lubbers Afinada Gretsiä premyer-ministrı Costas Simitis belän söyläşülärdän soñ Berläşkän Millätlär Oyışması zur humanitar krizisqa äzer bulırğa tieş dide. Qaçaqlarnıñ zur öleşe İran, Törkiä, Süriä häm İordaniägä kitärgä mömkin. Lubbers äytüençä, agentlıq bu illär belän söyläşülärne inde başlap cibärgän. Agentlıq aşığıç räweştä 60 million dollar kiräk bulaçaq dip xalıqara cämäğätçelekkä aqça sorap möräcäğät itte. AQŞ 15 million dollar biräçägen belderde. Kiçä kiç BMOnıñ aşığıç yardäm agentlığı wäkile Kenzo Oşima Ğiraqnı okkupatsiäläwçe il bulaçaq dip kötelgän AQŞ, suğış çorında tınıç xalıqnıñ xoquqların bilgeläwçe, 1944-nçe yılğı Jeneva konvensiäse nigezendä, ğadi ğiraqlılar turında qayğırtu häm alarnı tuyındıru öçen cawaplı bulaçaq dide.

XS
SM
MD
LG