Accessibility links

җомга, 2 декабрь 2016, Казан вакыты 23:03

Kino yoldızları AQŞ citäkçelegenä täñqit belderde


Los Angeles’ta yıl sayın uza torğan Oskar bülägen birü tantanası ütte. Uzğan yılnıñ iñ yaxşı filmı bulıp Çikago isemle muzıkal film tanıldı. Täqdim itelgän 13 nominatsiäneñ 6sında film ciñep çıqtı. Ğadättäge qupşı tantanalar bıyıl bulmıy qaldı. Ğiraq suğışı häm şunıñ arqasında köçäytelgän iminlek çaraları sürätendä uzğan bu tantağa qayber kino yoldızları kilüdän baş tarttı. Polşa direktorı Roman Polanski üzeneñ ikençe bötendönya suğışı waqıtındağı Varşavadağı getto turındağı filmı öçen iñ yaxşı film direktorı isemen aldı. “The Hours” yağni “Säğatlär” isemle dramada iñ yaxşı xatın-qız rolen uynağan öçen Oskar bülägenä layıq bulğan Nicole Kidman üzeneñ çığışında –sänğatneñ iñ möhim äyber bulğanın äytte: “Dönyada şundıy mäxşär barğanda niçek Büläkläw Akademiäsenä kilä alasıñ dip sorawçılar buldı…Çönki sänğat –möhim, dide Nicole Kidman. İñ yaxşı ir-at role öçen Oskar bülägen Pianist filmında yähüdlärne küpläp üterü waqıtında isän qalğan yähüd muzıkantın uynağan Adrien Brody aldı. Üzeneñ dokumental äsäre öçen Oskar bülägenä layıq bulğan rejisser Michiel Moore, üzeneñ çığışında Ğiraqqa qarşı barğan suğışta Amerikan citäkçelegen täñqitläde.

XS
SM
MD
LG