Milli cämäğätçelek üz problemaların tikşerä. Çärşämbe könne BTİÜ idäräse utırışı buldı. Anda üzäkneñ räise bulıp eşlägän Räşit Yagafarovnıñ älege wazifadan kitärgä teläge mäs’äläse tikşerelde. Räşit äfände üzeneñ qararın sälämätlege qaqşawı häm ağımdağı fänni eşlärneñ küplege belän añlata. BTİÜ idäräse Räşit Yagafarovnıñ ğarizasın qänäğätländergän, xäzergä bu oyışma belän BTİÜ räiseneñ urınbasarları citäkçelek itäçäk. Ustav buyınça şulay kürsätelgän. Şul uq Ustav nigezendä milli mänfäğätne qayğırtu eşläre tuqtap qalmas, dip uylarğa kiräk.
