Accessibility links

дүшәмбе, 5 декабрь 2016, Казан вакыты 23:53

“Yağımlı yaz-2003” studentlar festivale tämamlandı


Pänceşämbe könne “Uniks” konsertlar zalında tatar studentlarınıñ ”Yağımlı yaz - 2003” festivale tämamlandı. Ul söyekle şağirebez Ğabdulla Tuqaynıñ tuğan könenä bağışlap, bıyıl 11nçe tapqır uzdırıldı. Şağirneñ ”İşettem min kiçä: beräw cırlıy, Çın bezneñçä matur milli köy…”süzläre tikmägä genä festival'neñ devizı itep alınmağan şul. Qazan şähäre xakimiäteneñ balalar häm yäşlär eşläre komitetı, Bötendönya tatar kongressı Başqarma komitetı, ”Qazan” milli mädäniät üzäge häm başqa oyışmalar uzdırğan bu festival'neñ gala-konsertında Tatarstan yuğarı uqu yortlarında belem aluçı studentlar ğına tügel, Rusiäneñ başqa töbäklärennän dä sälätle tatar yäşläre qatnaştı. Milli canlı tamaşaçılar belän tulı zal alqışlar belän şawlap tordı. Cır söyuçelärneñ simpatiäsenä layıq buluçılarğa olı ixtiram kürsätep, qimmätle büläklär birdelär. Ayırım alğanda, BTKnıñ Başqarma komitetı räise Rinat Zakirovnıñ xalıq aldında çığış yasawı tatar yäşlärenä bik oşadı, alarğa icat qanatları quyğanday buldı.

XS
SM
MD
LG