Accessibility links

шимбә, 10 декабрь 2016, Казан вакыты 08:24

Dönya buylap 1 May uñayınnan uram cıyınnarı uzdı


Dönyada bügen 1 May, Xezmät köne bilgelänä. Bolğarstan başqalası buylap 5 meñgä yaqın oppozitsiä tarafdarları ütte. Sotsialist partiäse yaqlılar Bolğarstan xökümäteneñ wazifasınnan kitüen taläp itte. Bağdadta berniçä yöz Ğiraq kommunistı niçä yıl uzğaç 1nçe tapqır May könen bilgeläde. Uramğa çığuçılar qızıl bayraqlar häm “İminlek, tınıçlıq, demokratiä” digän şiğärlär totqan ide. Kiprda Törek häm Grek yaqların bülgän çiktä kontrol yomşartılğaç, törek hönär berlege wäkilläre 45 yılda berençe tapqır Grek yağına çıqtı. Ukrainada meñlägän keşe sovet bayraqları kütärep çıqsa, oppozitsiä tarafdarları şulay uq xäzerge xökümätkä qarşı çığışlar yañğrattı. Mäskäwdä uram cıyınında 15 meñgä yaqın keşe qatnaşqan. Qırğızstanda 200gä yaqın keşe cıyılğan uram cıyınında Sovetlar Berlegen qaytaru şiğarläre belän bergä respublikadağı Amerikan xärbi bazasına qarşılıq belderelde. Çexiä başqalası Pragada 10 meñgä yaqın kommunist, küpçelege olı yäştäge keşelär Ğiraq suğışı, eşsezlek häm Yevropa Berlegenä kerügä qarşı şiğarlär totıp uramnarğa çıqtı. Könyaq Afrikada, iñ zur hönär berlegeneñ 90ğa yaqın äğzase utırğan avtobus su saqlağıçına töşep batqan dip xäbär itelä. 80 keşe häläk bulğan.

XS
SM
MD
LG