Accessibility links

шимбә, 10 декабрь 2016, Казан вакыты 04:17

Tıl xezmätçännäre bügen niçek yäşi?


Şöker, suğış Tatarstan cirenä kilep citmägän. Läkin tılda qalğannarğa suğışnıñ matdi yağın, ikmäk, azıq-tölek, qoral belän tä'min itü ikelätä awırğa kilgän. Suğışnıñ iñ awır- berençe yılında «Tatarstan xezmät iälärennän front ixtiacları öçen ike million sum aqça, küp kenä altın, kömeş cıyıldı», dielä yılyazmada. Suğışçılar öçen cılı kiemnär cıyuda, «Komsomoles Tatarii» isemendäge tank kolonnası öçen aqça cıyuda, här awıl, här kolxoz, här ğailä qatnaşqan. Menä şundıy qorbannar häm fidaqär, xezmät belän ciñgän veterannar niçek yäşi soñ? Qısqa ğına itep äytkändä, ğömerlären niçek sabırlıq, tıynaqlıq belän ğömerlägännär, xäzer dä şulay sabırlıq belän «birgänenä şöker», dip yäşi. Rusiäneñ «Veterannar turında»ğı qanunı nigezendä veterannarğa yıl sayın törle yärdäm öçen ber million sum aqça totıla.

Monnan tış Tatarstan prezidentı ukazı nigezendä taşlamalar yasala. Sotsial' tä'minät ministrlığı mäğlümatlarınça Böyek Watan suğışı invalidları pensiäsenä 506 sum, suğışta qatnaşqannarnıqına 392 sum, suğış waqıtında tılda eşlägännärnekenä 230 sum östälä. Menä şundıy, taşlamalar, östämälär belän 44 yıl xezmät stajı, şul isäptän 4 yılı suğış yıllarına kergän, ber pensioner äbi 1700 sum çaması pensiä ala. Küpme bu azmı, tıñlawçılarıbız, sezneñ xökemegezdä.

XS
SM
MD
LG