Kiläse atnada Qazanda dönya çeltäreneñ tatar öleşenä bağışlanğan ber oçraşu ütäçäk. Tatar säxifälären yasawşı webmasterlar, computer belgeçläre TatNet, yağni Tatar İnternetınıñ kiläçäge, alda torğan mäsälälär, şularnı çişü yulların tikşerergä cıyına. Andıy mäsälälär, döresen äytkändä, şaqtıy, Fän tapşırularında alar daimi kütärelep kilä. Qazanda ütäse çara bezneñ tıñlawçılarğa da qızıqlı bulır dip, min anı oyıştıruçılarnıñ berse, İntertat isemle elektron gäzit möxärrire Älfiä Miñnullina belän äñgämä qordım. Xäzer sezgä şul yazmanı täqdim itäm.
Audio
İntertat.ru elektron gäzit möxärrire Älfiä Miñnullinanı tıñladığız. Bu cıyınnıñ näticälären bez sezgä soñraq citkerergä tırışırbız, xörmätle tıñlawçılar. Äytkänemçä, ul kiläse atnada Qazanda ütäçäk. Ä bu könnärdä Pragada başqa ber şaqtıy qızıqlı çara ütä. Prague Quadrennial dip atalğan xalıqara kürgäzmä teatr arxitekturası häm säxnä texnologiäsenä bağışlanğan. İsemennän kürengänçä ul Olimpiä uyınnarı şikelle 4 yılğa ber ütä. Berençese 1967-dä bulğan, bıyılğısı 10nçı tapqır ütä. 4 yıl sayın Çexiä başqalasına bar dönyadan teatr, säxnä belgeçläre cıyılıp, täcribä urtaqlaşa. Üzläre äytüenä qarağanda bu mondıy däräcädä ütä torğan berdän-ber çara ikän. Praganıñ kürgäzmälär üzägendä urnaşqan sänäğät sarayında distälägän illärdän teatr sängäte, säxnä texnologiäsenä qaragan pavilionnar quıylğan. Här il şuşı ölkädä üzeneñ qazanışların kürsätä. Döresen äytkändä, minem mondıy törlelekne Kamal teatrında da, Tinçurinda da kürgän yuq ide. Ber pavilionnan ikençesenä törle tellärdä gäpläşep yörgän xalıq arasında tatar tele dä yañğıradı. Baqsañ, şuşı xalıqara çarağa Tatarstannan da ber törkem kilgän ikän. Min älbättä alar yanına barıp, söyläşep alırğa buldım.
Audio
Sez Pragada barğan xalıqara kürgäzmädä qatnaşuçı Roza Soltanova häm Fail İbrahimovnı tıñladığız. Kürgäzmä 29 yüngä qädär eşliäçäk. Anıñ internettağı adresı www.pq.cz. Bügengä menä şul xörmätle tıñlawçılar, min, Ali Gilmi, sezneñ belän xuşlaşam, isän-saw bulığız.
Audio
İntertat.ru elektron gäzit möxärrire Älfiä Miñnullinanı tıñladığız. Bu cıyınnıñ näticälären bez sezgä soñraq citkerergä tırışırbız, xörmätle tıñlawçılar. Äytkänemçä, ul kiläse atnada Qazanda ütäçäk. Ä bu könnärdä Pragada başqa ber şaqtıy qızıqlı çara ütä. Prague Quadrennial dip atalğan xalıqara kürgäzmä teatr arxitekturası häm säxnä texnologiäsenä bağışlanğan. İsemennän kürengänçä ul Olimpiä uyınnarı şikelle 4 yılğa ber ütä. Berençese 1967-dä bulğan, bıyılğısı 10nçı tapqır ütä. 4 yıl sayın Çexiä başqalasına bar dönyadan teatr, säxnä belgeçläre cıyılıp, täcribä urtaqlaşa. Üzläre äytüenä qarağanda bu mondıy däräcädä ütä torğan berdän-ber çara ikän. Praganıñ kürgäzmälär üzägendä urnaşqan sänäğät sarayında distälägän illärdän teatr sängäte, säxnä texnologiäsenä qaragan pavilionnar quıylğan. Här il şuşı ölkädä üzeneñ qazanışların kürsätä. Döresen äytkändä, minem mondıy törlelekne Kamal teatrında da, Tinçurinda da kürgän yuq ide. Ber pavilionnan ikençesenä törle tellärdä gäpläşep yörgän xalıq arasında tatar tele dä yañğıradı. Baqsañ, şuşı xalıqara çarağa Tatarstannan da ber törkem kilgän ikän. Min älbättä alar yanına barıp, söyläşep alırğa buldım.
Audio
Sez Pragada barğan xalıqara kürgäzmädä qatnaşuçı Roza Soltanova häm Fail İbrahimovnı tıñladığız. Kürgäzmä 29 yüngä qädär eşliäçäk. Anıñ internettağı adresı www.pq.cz. Bügengä menä şul xörmätle tıñlawçılar, min, Ali Gilmi, sezneñ belän xuşlaşam, isän-saw bulığız.
