Accessibility links

сишәмбе, 6 декабрь 2016, Казан вакыты 21:05

Rusiä töbäklärennän tatar balaları Qazannıñ “Duslıq” lagerında yal itä ala


Uqu äsbapları çığaru häm regionnar belän xezmättäşlek itü bülege mödire Änisä Morozova äytüençä, çit töbäklärdäge tatar balaları öçen Qazan şähäreneñ Zalesnıy bistäsendäge “Duslıq” lagerı eşläyäçäk. Änisä xanım bu turıda menä närsälär söyli:

AUDIO. 17 töbäktän 150 bala yal itäçäk. Ata-analardan tüläw 600 sum çaması, ä yullamanıñ tulı bäyäse 3.325sum.Tatar balaların tatar telenä öyrätü praktikası küzdä totıla.Alarda milli üzañ uyatu, häm üz tuğan telenä mäxäbbät tärbiäläw.

Çit töbäklär belän kileşülär tözü nigezendä, Tatarstan mäğärif ministrlığı törle töbäklärdäge mäğärif oyışmaları belän elemtädä tora. Şuşı lager tatar balaların Tatarstan, Tatar möxite belän tanıştıru maqsatınnan oyıştırıla. “Duslıq” lagerına balalar Başqortstannan, Udmurtiädän, Mari-Eldan, Komi, Sıqtıvkar, Sverdlaw, Saratov, Samaradan – barlığı 15-17 töbäktän kiläçäk. Telägän keşelär cirle mäğärif oyışmaları aşa, tatar cämğiätläre aşa, yullamalarnı alunı xästärlägännär inde. Törle töbäklärdäge gimnaziälärdä, yäkşämbe mäktäplärendä uqığan tatar balaları oçraşıp, tanışıp, “duslıq”nıñ närsä ikänen üzläre ük belerlär.

Mälikä Basıyr. Qazan

XS
SM
MD
LG