Accessibility links

пәнҗешәмбе, 8 декабрь 2016, Казан вакыты 15:09

Mintimer Şäymiev: Vladimir Putin Rusiäneñ xäzerge xälenä häm maqsatlarına täñgäl kilä...


Soñğı waqıtta Rusiä mäğlümat çaraları häm säyäsätçeläre Tatarstan prezidentı Mintimer Şäymievneñ tege yäki bu mäs’älägä fikerläre belän qızıqsınalar. Bigräk tä, soñğı ike atnada bulğan ike zur forumda Mintimer Şäymiev bik üzençälekle çığış yasağaç, anıñ Rusiä säyäsätenä häm Putinğa konstruktiv mönäsäbät kürsätep, şul uq waqıtta unitarizm häm töbäklärneñ, millätlärneñ xoquqların qısuğa kisken qarşı çıqtı. Şimbä könne Mayak radiostansiäse Mintimer Şäymiev belän turıdan-turı elemtä urnaştırıp şul uq federalizm, töbäklär häm üzäk mönäsäbäte turında sorawlar birde. Mintimer Şäymievneñ cawapları respublikalar häm xalıqlarnıñ xoquqın yaqlaw ruxında buldı. Vladimir Putin Rusiäneñ xäzerge xälenä häm maqsatlarına täñgäl kilä, dip belderde ul. İğtibar itsägez, Putin üz zamanın häm üz däwläten, xalqın añlıy, qänäğätländerä, ämma Rusiäneñ säyäsäte bik ük döres alıp barılmıy, digän tä'sir qala. Konferensiäneñ ikençe könendä Rusiä prezidentı administratsiäse başlığı urınbasarı Dmitriy Kozak qatnaşmadı. Anıñ comğa könne yasağan çığışı respublika wäkilläre pozitsiäsenä qapma-qarşı ide. Kemneñ xaqlı yäki xaqsız buluına qaramastan, Mäskäw üz säyäsäten alıp barırğa cıyına. Mäskäwdä aqıllı häm liberal' qaraşlı Putin belän qatı qullı Kozaknıñ fikerläre turı kiläme, kilmime ikänlegen barı tik ike arada özgälängän respublikalar häm töbäklär genä üz cilkälärendä kiçerä.

XS
SM
MD
LG