Accessibility links

якшәмбе, 4 декабрь 2016, Казан вакыты 15:27

Londonda xökümätneñ qoral mäs'äläläre kiñäşçese David Kallynıñ ülemen tikşerüçe komissiä aldında Britaniä saqlanu ministrı Geoff Hoon çığış yasadı


Hoon ministrlıq Ğiraqnıñ küpläp üterü qoralları turındağı xökümät xisabın xupladı dide. Älege xisaptağı mäğlümätlär Ğiraqqa qarşı suğışnı yaqlawnı nığıtqan ide. Hoon Ğiraqtağı küpläp üterü qoralları turındağı Britaniä küzläw mäğlümätläre ışanıçlı dide. Saqlanu ministrlığı xökümätneñ Ğiraq turındağı xisabına şik uyatqan BBC xäbäre öçen Kelly çığanaq bulğan bulırğa mömkin dip beldergän ide. BBC xökümätneñ Ğiraqtağı qorallar xisabında arttırıp cibärülär bar dip xäbär itte. Kellynıñ iseme atalğannan soñ jurnalistlar aña bik zur iğtibar belän basım yasıy başladı häm ul parlament komitetında çığış yasarğa çaqırıldı. Soñraq anıñ qan tamırları kiselgän mäyete tabıldı. Älegä Kelly üz-üzen ütergän dip sanala.

XS
SM
MD
LG