Accessibility links

җомга, 9 декабрь 2016, Казан вакыты 05:03

Keräşen tatarları mäs’äläse yaña borılış aldı...


Sintäberneñ 9nda «Независимая газета»da Rusiä fännär akademiäseneñ etnologiä häm antropologiä institutı direktorı Valeriy Tişkovnıñ äñgämäse basılıp çıqtı. Anda ul keräşennärneñ ayırılıp çığu telägenä yaña ber añlatma birä.



Gäzit xäbärçese, ni säbäple sezneñ institutnıñ eşe soñğı waqıtta ictimaği tormışnıñ üzägenä äylände, digän soraw birä. Valeriy Tişkov, etno-mädäni üzençäleklärne saqlaw mäs’äläse xäzer dönyada alğı planğa çıqtı, dip cawap qaytara. Şulay uq, gäzit xäbärçesen «Yaña xalıqlar qaydan barlıqqa kilde?» digän soraw da qızıqsındıra. Bu xälne Valeriy Tişkov bolay añlata: «Az sanlı xalıqlarğa däwlät yärdämen birü turındağı qanun qabul itelgäç, üzlären az sanlı millät dip iğlan itärgä cienğan bik küp keşelär kürenä başladı. Şunıñ östäwenä anıñ öçen fänni xezmätlärdä häm elekke canisäp näticälärendä nigez tabıp bula...». Misal itep ul, keräşen tatarların kiterä. 1926nçı yılğı canisäp waqıtında 100 meñ keşe üzlären keräşen dip atağan. Bu çınnan da pravoslav dinen totuçı tatarlar, dip söylägän etnologiä häm antropologiä institutı direktorı Valeriy Tişkov häm süzen bolay däwam itä: «Keräşennär ictimaği-säyäsi köç bularaq oyışa alğan, şuña kürä alar canisäp waqıtında ayırım millät itep atalırğa teli. Alarnıñ telägen isäpkä alıp, bez keräşennärne ayırım millät itep terkärgä, digän täqdim kertkän idek». Anıñ fikerençä, bu täqdim tatar millätçelären qurqıtqan, häm alar keräşennärneñ ayırılıp çığu qurqınıçında Tatarstan Prezidentın da ışandırğan. Valeriy Tişkov monda, yañadan, küp tapqır qabatlanğan ber añlatmanı kiterä: keräşen tatardan ayırılsa, Tatarstanda möselmannarnıñ sanı respublikada yäşäwçe xalıqnıñ yartısınnan kim bulaçaq.



Keräşennär mäs’äläsendä äle soñğı noqta quyılmadı häm saylaw aldı çorında ul yañadan küperteler, dip farazlap bula. Bu xaqtağı söyläşüne aldağı tapşırularda äle däwam itärbez.

Bikä Timerova.

XS
SM
MD
LG