Accessibility links

сишәмбе, 6 декабрь 2016, Казан вакыты 08:43

Rusiä Töbäklären Üsterü Faqıfı turında Tatarstan ni uylıy?


Säyäsät tormışı haman elekke xäldä. Milli xäräkätlär, bigräk tä Başqortstannan kilep, Qazanda toruçı millättäşlärebez kürşe respublikadağı xällär belän qızıqsına. Tatarstan yäşläre gazetasınıñ şimbä sanında Sergey Veremeenkonıñ Mäskäwdä yasağan belderüe turında yazğannar. Veremeenko prezident bulıp saylanğan xäldä Başqortstanda tatar telenä nindi dä bulsa räsmi status birü, ğomumän, milli tigezlek wäğdä itä ikän. Şunda uq yazılğança, Veremeenko citäkçelegendä Rusiä töbäklären üsterü fondı tözelgän. Bu waqıfnıñ popeçitel'lär äğzası bulıp, Ästerxan, Kaliningrad, Primor'ye, Xabarovski krayı, Sverdlaw, Novosibirski ölkäläre citäkçeläre, Mordoviä, Kabardino-Balkariä, Yaqutiä prezidentları da toralar ikän. Xäzer inde Tatarstan, Başqortstan üzeneñ şuşı fondqa mönäsäbäten belderergä tieş. Älege fondqa aqça qayan kilä, dip sorasağız, keremnärneñ töp öleşe oligarxlardan qaytarıp alınğan aqçalar bulaçaq imeş. Xäzergä Tatarstan räsmi dairäläre ber süz dä äytmi.

Rimzil Wäli, Qazan

XS
SM
MD
LG